1-2Dakayun holag Israel, nganne nin di naat ke ditaku hin ugge ditaku binaddangan ke APU DIOS? Mahapul an abuluton takun 3nunna-ud an impakapatte ditakun am-in hi buhul taku gapuh namahig an boh-ol da. 4-5Ta paddungnay nalting taku nah dimmakol an danum ot mianud taku.

6Kinali mumpasalamat takun APU DIOS te uggena in-abulut an dadagon ditakuh buhul taku. 7Paddungnay tinawang ditakuh buhul taku, mu binumtik taku te nabik-iy tawang da.

8Hay mamaddang ke ditaku ya hi APU DIOS an nunlutuh kabunyan ya luta.