1Handih timmayan nadan holag Israel ad Egypt an nakiboblayan da ot umanamut da 2ya impumbalin Apu Dios di Judah an pundayawan ke hiya ya pun-ap-apuwanad Israel.

3Hanan Maingit an Baybay ya paddungnay tinibonah Apu Dios ot munhi-an. Ya nan danum nah Wangwang an Jordan ya nuntikod. 4Hanada ke damdaman bibilid ya paddungnay pimmaytuk dan umat dah lakin kalnero. Ya nadan duntug ya paddungnay pimmaytuk da damdama umat hi impan di kalnero.

5He-an Maingit an Baybay, tipet eka nunhi-an? Ya he-an Wangwang an Jordan, tipet eka nuntikod? 6Ya dakayun bibilid, tipet ekayu pimmaytuk, umat hi lakin kalnero? Ya dakayun duduntug, tipet ekayu pimmaytuk umat hi impan di kalnero?

7He-an luta, ahika kuma gumayonggong gapuh takut mu nah Ap-apu an Dios Jacob hantuh aliyana. 8Hiya ya impabudal nay dakol an danum nah batu ot mawaday wawa-el ya it-ittay an lolobong.