1Pinilin APU DIOS an pumboblayanay Jerusalem an wada nah bilid an niong-ong ke hiya. 2Hidiyen bobley pakappinhod na mu nadan udum an bobled Israel. 3Dakayun bimmobleh did Zion an boblen Apu Dios, donglon yu tun makaphod an kalyonan mipanggep ke dakayu.

4Hituwey kanana: “Id-um kun ilistay iEgypt ya iBabilon hanadah bimmoblen makangngun-unud ke ha-on. Takon nadan iPilistia, nadan bimmobled Tyre ya Sudan ya ibilang ku didan iJerusalem damdama.”

5Ta hidiye nan, ahi kanan di tataguy “Hay tataguh kabobboble ya mibilang dan bimmobled Jerusalem. Man-uke ya ahi ihamad Apu Dios an Katagtag-ayan hituwen boble.”

6Hi APU DIOS ya ilistanan am-in di tatagunah kabobboblen mibilang an tatagud Zion ad Jerusalem.

7Ahida manayo ya mungkantan kanan day “Ad Zion di kalpuwan am-in di bendisyon.”