1Hi APU DIOS di kihikugak, kinali adiyu kanan ke ha-on di “Eka nadah bilid ta umat ka nadah hamutin e mihikug hidi. 2Te indadaan nadan gaga-ihon tataguy pana dat idalunu dan panaon nadan limpiyun tatagu. 3Nganney maat di limpiyun tagu hin maid di ustuh linteg?”

4Mu hi APU DIOS an wadah dih Templonah langit an pun-ap-apuwana ya uh-uhdunganan am-in di tatagu takon di daana, kinali inilanan am-in di at-atton da. 5Om, tibtibbonay at-atton nadan maphod ya gaga-ihon tatagu. Kahingngitana nadan tatagun pumapatte. 6Ta hidiye nan ahina ipaaliy mundadalang an apuy ya maka-atung an dibdib nadah gaga-ihon tatagut kastiguwona dida.

7Makakkaphod hi APU DIOS ya pakappinhod nay limpiyu. Ta hidiye nan ahi makihayyup nadan maphod an tatagun hiya.