1APU DIOS, adika anhan bumobboh-ol ke ha-on ya adiyak kastiguwon gapuh boh-ol mu. 2Homkonak, APU DIOS ya pal-otonak ot ya abu te dehtun nakakkapuyak an maid moy olot ku 3ya ongal di kabulubulunak. Kinali hahad-ok di pamaddangam ke ha-on, mu kakon-ana, APU DIOS?

4Umali ka anhan APU DIOS, ta gapuh nahamad an pamhod mu ya ihwangak tuh katayak. 5Te maid di munnomnom ya mundayaw ke he-a nah boblen di nate.

6Kimmapuy di adol ku gapuh namahig an kogakogak hi kahilohilong ta deyan matitinay kahuyopak hi luwak. 7Ya adiyak mo pakatibo te linullumtuk di matak gapuh kogakogak hi pangat di buhul kun ha-on.

8-9Dakayun gaga-ihon tatagu, ume-ele kayun ha-on te dingngol APU DIOS di kogak ya dasal kuh pumbagaak hi baddang na. 10Ta hidiye nan maapput am-in di buhul kut mabulun da ya mibabain dan madog-al hi kad-an taku.