1-3Datuwe nadan linalakin imbabalen David handih kawadanad Hebron mipalpuh panguluwan ingganah udidiyan: hi Amnon an inanah Ahinoam an iJesreel, hi Daniel an inanah Abigail an iCarmel, hi Absalom an inanah Maakah an imbabalen nan patul an hi Talmai ad Geshur, hi Adonijah an inanah Haggit, hi Sephatiah an inanah Abital ya hi Itream an inanah Eglah. 4Datuwen am-in ya nitungo dad Hebron handih numpatulan David hidih pitun toon ta kagodwa. Numpatul bod Jerusalem hi tulumpulut tulun toon 5ot mitungo da boy udum an imbabalenah di. Opat di linalakin imbabale dan Bathsheba an imbabalen Amiel: hi Simea, hi Sobab, hi Nathan ya hi Solomon. 6Wadada boy udum an linalakin imbabalenan hi Ibhar, hi Elishua, hi Eliphelet, 7hi Nogah, hi Nepheg, hi Japhia, 8hi Elishama, hi Eliada ya hi Eliphelet. 9Datuwey linalakin imbabalena, mu ugge nid-um nadan imbabalena nadah imbilang nan inayana. Ya waday imbabalenah babai an hi Tamar.

10Datuwey holag Solomon: hi Rehoboam, hi Abijah, hi Asa, hi Jehoshaphat, 11hi Jehoram, hi Ahasiah, hi Joash, 12hi Amasiah, hi Ussiah*, hi Jotham, 13hi Ahas, hi Hesekiah, hi Manasseh, 14hi Amon ya hi Josiah. 15Waday opat an linalakin imbabalen Josiah: hi Johanan, hi Jehoiakim, hi Sedekiah ya hi Joahas. 16Hi Jehoiachin di nihannot ke amanan hi Jehoiakim an numpatul. Ya hi Sedekiah di nihannot ke Jehoiachin.

17Datuwey holag nan patul an hi Jehoiachin an numbalin na balud ad Babilon. Hi Jehoiachin ya pituy imbabalenan linalakin hi Sealtiel, 18hi Malkiram, hi Pedaiah, hi Senassar, hi Jekamiah, hi Hoshama ya hi Nedabiah. 19Duway imbabalen Pedaiah an da Serubbabel ke Simei. Hi Serubbabel ya duwa boy imbabalenan da Meshullam ke Hananiah ya ohan babain hi Selomit. 20Wadaday nid-um an liman imbabalen Serubbabel an da Hashubah, hi Ohel, hi Berekiah, hi Hasadiah, ya hi Jushab Hesed. 21Hi Hananiah ya duway imbabalenah linalakin hi Pelatiah ya hi Jeshaiah an aman Repaiah an aman Arnan an aman Obadiah an aman Sekaniah. 22Ohay imbabalen Sekaniah an hi Semaiah, ya limay inap-apunan hi Hattus, hi Igal, hi Bariah, hi Neariah, ya hi Saphat. 23Hi Neariah ya tuluy imbabalenan linalakin hi Elioenai, hi Hiskiah ya hi Asrikam. 24Hi Elioenai ya pituy linalakin imbabalenan hi Hodabiah, hi Eliashib, hi Pelaiah, hi Akkub, hi Johanan, hi Delaiah ya hi Anani.