1M baꞌabiise, man daa keŋe ya saꞌan na la, m daa pu mool Winaꞌam labaar la n tisi ya ne nomiꞌilim ne ninsaalib yaꞌam, 2ka daa gbanꞌe ye m ku mool siꞌel yela asee Yesu Kiristo yela gullim, ne on kpi dapuudir zug la. 3Man daa be ya saꞌan la, m daa kaꞌ paŋa, ka dabiem ne kikirug daa mori m. 4M daa pu tuꞌas labaar la ne miꞌilim pianꞌad line malis nidib n na ke ka ba siaki lii, ka lee daa tuꞌasi li ne, ka Winaꞌam Siig Suŋ paꞌal o paŋ, 5ye ya yadda niŋir Yesu Kiristo ni pu yi ninsaalib yaꞌamin naa, ka lee yine Winaꞌam paŋ ni na.

6Ka laꞌam ne lin a sida la, ti me pianꞌad ne yaꞌam n tisid bane miꞌ Winaꞌam suꞌuŋa. Li kaꞌ dunia nwa nidib yaꞌam bee bane soꞌe dunia nwa yaꞌam. Nimbama nwa paŋ na lieb zaalim. 7Ka ti tuꞌasid ne Winaꞌam yaꞌam suaꞌadir line suaꞌ ka nidib ku baŋ laa. Li ane bun kan ka Winaꞌam da pun gaŋ ka dunia la nam pu siꞌiŋe, ye ti kpenꞌ Winaꞌam naꞌam ni. 8Bane soꞌe dunia kaŋa nwa soꞌ ziꞌ yaꞌam kaŋa. Ba yaꞌa daa miꞌine li, ba naan ku kpaꞌan Zugsob one a naꞌamtitaꞌar daan la dapuudir zugo. 9Ka li dolne lin sob Winaꞌam gbauŋ ni siꞌem la ye,

Siig Suŋ la baŋid siꞌel kam zaꞌa hale Winaꞌam yel suaꞌada. 11Li ane ninsaal siig gullim line be o ni n miꞌ ninsaal kan potenda. Ala men soꞌ me ziꞌ Winaꞌam potendaa, asee Winaꞌam Siig la maꞌaa. 12Winaꞌam pu tisi ti dunia kaŋa nwa potendaa. O tisi ti o meŋ Siig Suŋ ka ti nyaŋe baŋ lin wusa ka o tisi ti. 13Ka ti pu pianꞌad ne pianꞌaban ka ninsaalib paꞌali ti ne ba yaꞌam, ka lee pianꞌad ne pianꞌaban ka Winaꞌam Siig Suŋ paꞌali ti, ka bigiside Winaꞌam yelsida n tisid nimbane ka Winaꞌam Siig bee ba ni. 14Amaa nid one ka Winaꞌam kaꞌ o nii, ku nyaŋe diꞌe piini bane yit Winaꞌam Siig ni naa, lin a yalimis o saꞌan la zug. Ka bane ka Winaꞌam Siig Suŋ la bee ba ni la maꞌaa baŋi li yela. 15One ka Winaꞌam Siig bee o ni na nyaŋe baŋ ka kad dine a suꞌum ne dine a beꞌed saria. Amaa soꞌ ku nyaŋe kad on daana saria. 16Li dolne lin sob Winaꞌam gbauŋin siꞌem la ye,