1Dawda izʼarey kaŋ a duu ey waatoo kaŋ a goo Hebroŋ koyraa ra ne: nga izʼaru jinaa ti Amnoŋ kaŋ a duu a nga Žizireyel koyraa woyoo Ahinowam ga. Ihinkantoo ti Daniyel kaŋ a duu a nga Karmel koyraa woyoo Abigayel ga. 2Ihinzantoo ti Absalom kaŋ a duu a nga wandoo Maaka ga, Maaka ti Gešur kokoyoo Talmay ize woyoo. Itaacantoo ti Adoniya kaŋ a duu a nga wandoo Hagit ga. 3Igguwantoo ti Šefatiya kaŋ a duu a Abital ga. Idduwantoo ti Yitreyam kaŋ a duu a nga wandoo Egla ga. 4Izʼaru idduwaa woo hayandi waatoo kaŋ ra Dawda goo Hebroŋ koyraa ra. Jiiri iyye nda handu iddu no a nʼa tee a ga laama no din. A na jiiri waranza cindi hinza (33) tee a ga laama Žerizalem. 5Izʼarey kaŋ a duu ey Žerizalem koyraa ra ne: Šimeya, nda Šobab, nda Nataŋ, nda Sulaymaana, woo ti izʼaru taaci kaŋ Amiyel ize woyoo Bat-Šuwa duu a se. 6Dawda na Yibar mo hay, nda Elišuwa, nda Elpelet, 7nda Noga, nda Nefeg, nda Yafiya, 8nda Elišama, nda Elyada, nda Elifelet, ngi aru yagga no. 9I kul ti Dawda izʼaruyaŋ ka tonton nga wahayey izʼarey ga. Tamar ti nga izʼarey woymaa.

10Sulaymaana izʼaroo ti Roboham, Roboham izʼaroo ti Abiya, Abiya izʼaroo ti Asa, Asa izʼaroo ti Žozafat, 11Žozafat izʼaroo ti Yoram, Yoram izʼaroo ti Akaziya, Akaziya izʼaroo ti Žowas, 12Žowas izʼaroo ti Amasiya, Amasiya izʼaroo ti Azarya, Azarya izʼaroo ti Yotam, 13Yotam izʼaroo ti Akaz, Akaz izʼaroo ti Ezekiyas, Ezekiyas izʼaroo ti Manase, 14Manase izʼaroo ti Amoŋ, Amoŋ izʼaroo ti Žoziyas. 15Žoziyas izʼarey ne: nga izʼaru jinaa ti Yohanaŋ, ihinkantoo ti Yoyakim, ihinzantoo ti Sedesiyas, itaacantoo ti Šalum. 16Yoyakim izʼaroo ti Yekoniya*, Yekoniya izʼaroo ti Sedesiyas.

17Yekoniya kaŋ diyandi ka koy Babiloŋ, nga izʼarey ne: Šaltiyel, 18nga bandaa ga, Malkiram, nda Pedaya, nda Šenasar, nda Yekamiya, nda Hošama, nda Nedabiya. 19Pedaya izʼarey ti: Zorobabel nda Šimeyi. Zorobabel izʼarey ti: Mešullam nda Hananiya, ngi woymaa ti Šelomit. 20Woo banda ga, a duu Hašuba, nda Ohel, nda Berekiya, nda Hasadiya, nda Yušab-Hesed, aru guu.

21Hananiya izʼarey ti: Peletiya, nda Yešaya, nda Refaya izʼarey, nda Arnaŋ izʼarey, nda Abadiya izʼarey, nda Šekaniya izʼarey. 22Šekaniya hayroo ti: Šemaya, nda Hatuš, nda Yigeyal, nda Barya, nda Neyarya, nda Šafat, aru iddu. 23Neyarya izʼarey ti: Elyowenay, nda Ezekiyas, nda Azirikam, aru hinza. 24Elyowenay izʼarey ti: Hodawiya, nda Elyašib, nda Pelaya, nda Akub, nda Yohanaŋ, nda Delaya, nda Anani, aru iyye.