1Izirayel izʼarey ne: Rubeŋ, nda Simewoŋ, nda Lewi, nda Žuda, nda Isakar, nda Zabuloŋ, 2nda Dan, nda Isufi, nda Benžameŋ, nda Neftali, nda Gad, nda Ašer.

3Žuda izʼarey ti: Er, nda Onaŋ, nda Šela. Izʼaru hinzaa woo a mana duu ey kala nga Kanaŋ woyoo ga kaŋ ti Šuwa ize woy. Žuda izʼaru jinaa kaŋ ti Er, a tee boro futu Abadantaa jine, woo se Abadantaa nʼa wii. 4Tamar kaŋ ti Žuda nzura woyoo duu a se Peres nda Zera. Žuda izʼarey kul manʼti kala aru guu. 5Peres izʼarey manʼti kala Hesiroŋ nda Hamul. 6Zera izʼarey manʼti kala Zimri, nda Etaŋ, nda Hemaŋ, nda Kalkol, nda Daara. I kul ti aru guu. 7Karmi izʼaroo ti Akar*. Nga no ka kate bone Izirayel borey ga, zama hayey kaŋ kayandi Irkoy hinne se, ngi ra a zaa. 8Etaŋ izʼaroo ti Azarya. 9Izʼarey kaŋ Hesiroŋ duu ey ti Yeramel, nda Ram, nda Kelubay.

10Ram na Aminadab hay, Aminadab na Nahišoŋ hay, Nahišoŋ ti Žuda borey boŋkoynoo. 11Nahišoŋ na Salmuni hay, Salmuni na Bowazu hay, 12Bowazu na Obed hay, Obed na Yišay hay, 13Yišay na Eliyab hay, nga ti nga izʼaru jinaa, Abinadab ti ihinkantoo, Šimeya ti ihinzantoo, 14Netaniyel ti itaacantoo, Raday ti igguwantoo, 15Osem ti idduwantoo, Dawda ti iyyantoo. 16Ngi woymey ti Seruya nda Abigayel. Seruya izʼarey ti: Abišay, nda Žowab, nda Asayel, ngi kul ti boro hinza. 17Abigayel na Amasa hay. Amasa baaba ti Yeter, Yeter manʼti kala Isimayel boro.

18Hesiroŋ izʼaroo Kaleb duu izʼaruyaŋ nga wandey Azuba nda Yeriyot† ga, izʼarey ti: Yešer, nda Šobab, nda Ardoŋ. 19Waatoo kaŋ Azuba buu, Kaleb na Efrata hiiji. Efrata duu a se Hur. 20Hur na Uri hay. Uri na Betesalel hay.

21Woo banda ga, Hesiroŋ koy Galad borey baaba Makir, ize woyoo mo hiiji. A na woyoo zaa ka gar nga hunday goo jiiri woydu (60) ra. Woyoo woo ka duu a se nga izʼaroo Segub. 22Segub na Yahir hay. Koyra waranka cindi hinza (23) bara Yahir maaɲoo ga Galad gandaa ra. 23Amma Gešur borey nda Siiri borey na Yahir koyra buuna-buunawey taa, nda Kenat koyraa nda nga koyra kanbey, i kul cere ra manʼti kala koyra kanbe woydu (60). Borey kaŋ goo koyra kanbey wey ra kul manʼti kala Galad baaba Makir izey. 24Waatoo kaŋ Hesroŋ buu Kaleb-Efrata koyraa ra, a gar nga wandoo Abiya ga tee boro hinka, wandoo hay izʼaru, i na maaɲoo daŋ Ašehur. Ašehur woo ka Tekowa koyraa sinji.

25Hesiroŋ izʼaru jinaa kaŋ ti Yeramel, nga izʼaru jinaa ti Ram, ka Buna kar a ga, nda Oreŋ, nda Osem, nda Ahiya. 26Yeramel na woy tana zaa, maaɲoo ti Atara. Woyoo woo na Onam hay. 27Ram, Yeramel izʼaru jinaa, izʼarey ti: Mas, nda Yamin, nda Eker. 28Onam izʼarey ti: Šamay nda Yada. Šamay izʼarey ti Nadab nda Abišur. 29Abišur wandoo maaɲoo ti Abihayel. Wandoo woo ka duu a se Ahibaŋ nda Molid. 30Nadab izʼarey ti: Seled nda Apayim. Seled buu a mana duu izʼaru. 31Apayim izʼaroo ti Yiši. Yiši izʼaroo ti Šešaŋ. Šešaŋ izʼaroo ti Ahilay. 32Šamay armaa Yada izʼarey ti: Yeter nda Žonataŋ. Yeter buu a mana duu izʼaru. 33Žonataŋ izʼarey ti: Pelet nda Zaza. Wey ti Yeramel hayrey.

34Šešaŋ mana duu izʼaru, ize woyyaŋ de no a duu. Woo gar Šešaŋ goo nda tam kaŋ Misira boro no, maaɲoo ti Yara. 35Šešaŋ na nga ize woyoo hiijandi nga tamoo Yara se. A duu Yara se izʼaru kaŋ maaɲoo ti Attay. 36Attay na Nataŋ hay, Nataŋ na Zabad hay, 37Zabad na Eflal hay, Eflal na Obed hay, 38Obed na Žehu hay, Žehu na Azarya hay, 39Azarya na Heles hay, Heles na Eleyasa hay, 40Eleyasa na Sismay hay, Sismay na Šalum hay, 41Šalum na Yekamiya hay, Yekamiya na Elišama hay.

42Yeramel armaa Kaleb izʼarey ti: Meša ti nga izʼaru jinaa, nga ti Zif baaba, Mareša mo ti Kaleb izʼaru, nga ti Hebroŋ baaba. 43Hebroŋ izʼarey ti: Kora, nda Tapuwa, nda Rekem, nda Šema. 44Šema na Raham hay, Raham ti Yorkeyam baaba. Rekem na Šammay hay. 45Šammay izʼaroo ti Mawoŋ, Mawoŋ ti Bet-Sur baaba. 46 Wahayoo kaŋ Kaleb hiiji a, kaŋ ti Efa, na Haraŋ, nda Mosa, nda Gazez hay. Haraŋ na Gazez hay. 47Yaday izʼarey ti: Regem, nda Yotam, nda Gešaŋ, nda Pelet, nda Efa, nda Šayaf. 48Kaleb yee koyne ka wahay foo zaa, maaɲoo ti Maaka, a na Šeber nda Tirhana hay. 49A na Šayaf mo hay kaŋ ti Madmana baaba, nda Šewa kaŋ ti Makbena nda Gibeya baaba. Kaleb ize woyoo maaɲoo ti Aksa.

50Kaleb hayroo ne ti woo: nga wandoo Efrata izʼaru jinaa ti Hur, Hur izʼarey ti: Šobal kaŋ na Kiryat-Yarim koyraa sinji, 51nda Salmuni kaŋ na Betelehem koyraa sinji, nda Haref kaŋ na Bet-Gader koyraa sinji. 52Šobal kaŋ na Kiryat-Yarim sinji, hayroo ti: Harowe borey nda Manahat borey jeroo. 53Kiryat-Yarim borey ti: Yeter borey, nda Put borey, nda Šumat borey, nda Mišra borey. Sora borey nda Eštawol borey mana hun kala ngi ra.

54Salmuni hayroo ti: Betelehem borey, nda Netofa borey, nda Atrot-Bet-Žowab, nda Manahat borey jeroo, nda Sor borey, 55nda hantumkey hugey borey kaŋ ga goro Yabes kaŋ ti: Tira borey, nda Šima borey, nda Šuka borey. Ngi ti Keni borey, wey kaŋ hun Hamat ga. Hamat da ti Rekab hugoo borey hayraa.