Axong Bìac Broq ca Mangai Lêwi
1'Bài con calô Arôn jah lah axong tiaq tang lù 'màng cô:
Cô hiniq Pôn ngai con calô da Arôn i: Nađap, A-bi-hu, Ê-li-a-xa wa I-tha-ma. 2Mahaq Nađap wa A-bi-hu cachìt adroi dèh ca baq; wa haq 'nhòq i con, 'màng aih Ê-li-a-xa wa I-tha-ma xôq wèq dèh bìac broq pagàu. 3Xađoc, xinoi Ê-li-a-xa wa A-hi-mê-lec, con calô da I-tha-ma, wiang ti Đawit lah axong con calô Arôn tang lù tiaq bìac patìh tang ngai phai broq. 4Xinoi da Ê-li-a-xa khoi lah axong jah 16 lù, wa xinoi da I-tha-ma lah axong jah 8 lù, taiq i cadraq yi bàc ti xinoi Ê-li-a-xa. 5'Bài mangai cô jah lah axong tiaq dèh lù xam bìac pàih panàih đòiq ùh i bìac gen can, ma jah 'màng aih ŏi ta xinoi Ê-li-a-xa wa I-tha-ma i bàc ngai cwan ragài patìh ta Hnem Cùh Waiq Boc Plình.
6Sê-mai-a, con Nê-tha-nên, hadròng hadrech mangai Lêwi, broq thài achìh sô sech, achìh enh ngìa ca bùa, 'mùt hiniq wa bìac tang ngai broq, aih 'bài cwan càn pajàu Xađoc, A-hi-mê-lec, con calô A-bia-tha, wa 'bài mangai broq gàu da cadraq dèh baq, da wì pajàu wa mangai Lêwi; aih mòiq cadraq yŏc am ca Ê-li-a-xa wa mòiq cadraq yŏc am ca I-tha-ma.
7Panàih ma baxèm troq ca Jê-hô-a-rip;
panàih ma baiq troq Jê-đai-ah;
8Ma piq troq Harim;
ma pôn troq Sê-ô-rim;
9Ma padam troq Man-chi-ja;
ma tadràu troq Mi-ja-min;
10Ma tapèh troq Hacôt;
ma rahem troq A-bi-ja;
11Ma hachìn troq Jêsua;
ma 10 troq Sê-ca-nia;
12Ma 11 troq Ê-li-a-sip;
ma 12 troq Jakim;
13Ma 13 troq Hupba;
ma 14 troq Jê-sê-bap;
14Ma 15 troq Bingah;
ma 16 troq Imê;
15Ma 17 troq Hêxia;
ma 18 troq Phixêt;
16Ma 19 troq Pê-tha-hia;
ma 20 troq Jê-hêx-kên;
17Ma 21 troq Jakin;
ma 22 troq Gamun;
18Ma 23 troq Đê-la-ja;
ma 24 troq Ma-a-xia.
19Enh 'nhèq cô, aih 'bài lù da wì haq đòiq patìh bìac ta Hnem Cùh Waiq da Chuaq tiaq bàu bìac ep broq, Arôn boc da wì haq khoi pachì đòiq, troq troi bàu Chuaq Boc Plình da Is-ra-ên khoi anoi 'noh.
20'Bài con calô da Lêwi ma ŏi hlài:
Ta con calô da Amram i Su-ba-ên;
ta con calô da Su-ba-ên i Jêđia;
21Ta con calô da Rê-ha-bia, i I-si-a broq gàu.
22Ta con calô da Ix-ha-rit, i Sê-lô-môt;
ta con calô da Sê-lô-môt, i Jahat.
23Ta con calô da Hêprôn, i Jêriah broq gàu; ma baiq aih A-ma-ria; ma piq, Ja-ha-xi-ên; ma pôn, Ja-ca-mê-am.
24Ta con calô da U-xi-ên, i Mica;
ta con calô da Mica, i Samia.
25Oh daq da Mica, aih I-si-a;
ta con calô da I-si-a, i Xa-cha-ri.
26'Bài con calô da Mê-ra-ri, aih Mahli wa Musi;
ta con calô da Ja-a-xi-ja, i Bênô.
27'Bài con calô da Mê-ra-ri tiaq xinoi Ja-a-xi-ja, i:
Bênô, Sôham, Xacu wa I-bê-ri.
28Con da Mahli, aih Ê-li-a-xa, mangai ùh i ca con calô.
29Ta con calô da Kich, i Jê-ra-mê-ên.
30'Bài con calô da Musi, i: Mahli, Êđe wa Jê-ri-môt;
Aih con calô da Lêwi tiaq dèh hadròng hadrech da wì haq. 31Wì haq Hadai pàih panàih tìah dèh ca oh daq wì haq ta xinoi Arôn, wì haq khoi pàih panàih enh ngìa ca bùa Đawit: Xađoc, A-hi-mê-lec, wa wì ma broq gàu ta hadròng hadrech da pajàu wa mangai Lêwi; wì ma broq gàu, hadai ep pàih panàih tìah dèch ca oh daq.