1Dess is vi di nohch-kummashaft fumm Aaron fadayld voah: Em Aaron sei boova voahra da Nadab, da Abihu, da Eleasar un da Ithamar.

2Avvah da Nadab un da Abihu sinn kshtauva eb iahra daett, un si henn kenn boova katt, so voahra da Eleasar un da Ithamar di preeshtah.

3Mitt di hilf fumm Zadok un em Ahimelech hott da Dawfit di preeshtah fadayld in drubba fa iahra deensht ausrichta. Da Zadok voah ayns fumm Eleasar sei nohch-kummashaft, un da Ahimelech voah ayns fumm Ithamar sei nohch-kummashaft.

4Em Eleasar sei nohch-kummashaft voah fadayld in sechtzay drubba, un em Ithamar sei nohch-kummashaft voah fadayld in acht drubba. Sell voah veil's may evvahshti fumm Eleasar sei nohch-kummashaft voahra.

5Si voahra fadayld bei's lohs zeeya, ay drubb mitt di annah, veil's evvahshti katt hott im tempel-tent un aw evvahshti fannich Gott, es fumm Eleasar un aw fumm Ithamar sei nohch-kummashaft voahra.

6Da shreivah Semaia, em Nathanael sei boo, en Lefiddah, hott iahra nayma nunnah kshrivva fannich em kaynich un fannich dee evvahshti: da preeshtah Zadok, da Ahimelech, em Abiathar sei boo, un fannich di evvahshti funn di preeshtah un Lefiddah families. Alli annah vann voah raus gnumma fumm Eleasar un em Ithamar iahra nohch-kummashaft.

7Es eahsht lohs is uf da Joiarib kfalla un's zvedda uf da Jedaia,

8es dridda uf da Harim, es fiahda uf da Seorim,

9es fimfda uf da Malchia, es sexda uf da Mijamin,

10es sivvada uf da Hakkoz, es achta uf da Abia,

11es neinda uf da Jesua, es zeyyada uf da Sechania,

12es elfta uf da Eliasib, es zvelfda uf da Jakim,

13es dreitzayda uf da Huppa, es fatzayda uf da Jesebeab,

14es fuftzayda uf da Bilga, es sechtzayda uf da Immer,

15es sivvatzayda uf da Hefir, es achtzayda uf da Hapizzez,

16es neintzayda uf da Pethaia, es zvansishta uf da Jeheskel,

17es ayna zvansishta uf da Jachin, es zvay un zvansishta uf da Gamul,

18es drei un zvansishta uf da Delaia, un es fiah un zvansishta uf da Maasia.

19Sell voah vi si ufgleind voahra fa deena vann si im Hah sei haus kumma sinn noch di adning es gevva voah deich iahra foah-faddah da Aaron, so vi da Hah, da Gott funn Israel, eem gebodda hott.

20Dess sinn di ivvahricha evvahshti funn di nohch-kummashaft fumm Levi: fumm Amram sei kinnah, voah's da Subael; fumm Subael sei kinnah, voah's da Jehdeia;

21fumm Rehabia sei kinnah, da eahsht voah da Jissia;

22funn di Jizhariddah, voah's da Selomoth; fumm Selomoth sei kinnah, voah's da Jahath;

23fumm Hebron sei kinnah, da eahsht voah da Jeria, da zvett voah da Amaria, da dritt voah da Jahasiel un da fiaht voah da Jakmeam;

24fumm Usiel sei kinnah, voah's da Micha; fumm Micha sei kinnah, voah's da Samir.

25Em Micha sei broodah voah da Jissia; fumm Jissia sei kinnah, voah's da Sacharia;

26fumm Merari sei kinnah, voah's da Maheli un da Musi; em Jaesia sei kind, voah da Beno;

27fumm Merari sei kinnah deich da Jaesia, voah's da Beno, da Soham, da Sakkur un da Ibri;

28fumm Maheli sei kinnah, voah's da Eleasar, avvah eah hott kenn boova katt;

29funn di kinnah fumm Kis, voah's da Jerahmeel;

30funn di kinnah fumm Musi, voah's da Maheli, da Eder un da Jeremoth. Sell sinn di Lefiddah bei iahra nohch-kummashaft.

31Si henn's lohs gezowwa grawt vi iahra breedah, em Aaron sei nohch-kummashaft henn. Si henn dess gedu fannich em Kaynich Dawfit, em Zadok, em Ahimelech, un fannich di evvahshti funn di preeshtah un Lefiddah families. Yaydah family voah gleicha gacht, fumm yingshta broodah zumm eldshta.