1Nuu ni ndekuei ñayiu Israel ñuu Egipto,

te ni ka xndendoo ndikin tata Jacob inka ñuu ja ka kaꞌan inka nuu saꞌan,

2te Judá ni nduu veñuꞌu maa ia Dios,

te Israel ni jinkokuu nuu tatnuni ya.

3Te nuu ni jini ña ndute mar jin ñayiu Israel, te ni jino yuꞌu de,

vi ni ndakaka yata ndute yute Jordán.

4Te ni ka kanta sukun yuku naꞌnu na kuinio karneru,

vi ni ka kanta sukun tinduu na kuinio lelu kueli.

5¿Te nagua ni ndoꞌo ron ndute mar?

¿Nau ja ni jino yuꞌu ron?

Te roon yute Jordán, ¿nau ja ni ndakaka yata ron?

6Te roon yuku naꞌnu, ¿nau ja ni ka kanta sukun ron na kuinio karneru?

Te roon tinduu, ¿nau ja ni ka kanta sukun ron na kuinio lelu kueli?

7Te tnaa ron ñuꞌu nuu oo ndiaꞌa Jitoꞌo,

vi tnaa ron nuu oo ndiaꞌa Dios, ia ni ochiñuꞌu ndi Jacob.

8Te maa ia Dios saꞌa ja in kava ni nduu nuu ñuꞌu ndute,

chi kava yun ni nduu in nuu jinonta nuu ndute.