1Yesu ilivala tuvaila bigavisaiki baisa matausina, ikaibiga, 2kawala, “Labuma Karaiwogala makawala taitala guyau ivagi veivai pakala paila latula, 3e iwitali la touwata bikaikivisi matausina bogwa leidoubogwi bimaisi wa paka; mitaga ipakaisi. 4Tuvaila mimilisi touwata iwitali, ikaibiga, kawala, ‘Kulukwaisi matausina ladoubogwi, Ka bogwa akatubiasi paila kamkwam; ulo bulumakau nakakaitubwa toyo napusoposa iyalaisi; vavagi komwaidona bogwa ikatubiasaisi. Bukumaisi oveivai pakala.’ 5Mitaga ikatukubonasi wala, ilosi ambaisa ambaisa, taitala ila ola bagula, taiyuwela ila ola kabogimwala. 6E mimilisi tuvaila iyosisi la touwata, iyogagaisi e ikatumataisi matausina. 7Guyau igibuluwa; e iwitali la tokwabilia ikatumataisi matausina tokwatumata, deli goli igabwaisi si valu. 8E iluki la towotetila, kawala, ‘Veivai pakala bogwa lakatubiasi mitaga matausina ladou gala ibodi bimaisi. 9Mapaila kulosi okadaula e taivila bukubanaisi kuvakoulaisi wa paka.’ 10E matausina towotetila ilokaiasi okadaula, e ivakoulaisi komwaidosi taivila ibanaisi, tomitugaga toyo tomitukwaibwaila, e la bwala ikasewoki matausina leivakoulisi.

11“Mitaga tutala guyau isuvi mwada bigisi kala tokwam paka, igisi taitala gala isikam kwamala veivai. 12Iluki matauna, kawala, ‘Sogu, ammakawala bogwa lokusuvi taga gala kusikam kwamala veivai?’ E itakala nanola. 13E guyau iluki towotetila matausina, kawala, ‘Kuyuwolaisi yamala kaikela, e kulavaisi biwa okoukweda odudubila; baisa biuvalam bipulummosila sainela.’ *

14“Paila Yaubada idou bidubadu mitaga mimilisi wala inagi.”

15Wa tuta matutowena Parisi ilosi ikikeiwalasi ammakawasi bisikolaisi matauna metoya wa biga. 16E iwitalaisi si toligalega baisa matauna deli matausina metoya Erodi ola boda,l ikaibigasi, kawasi, “Tovituloki, kanikolaisi tokamokwita yoku, kuuvituloki kala mokwita la keda Yaubada, e makawala wala nanom baisa tomota komwaidosi, paila tomota kasi gigisa gala kuuvatusi. 17Mapaila kulukwaimasi avaka kudoki. Ibodi da Karaiwagasim bitapokalasi baisa Sisa kaina gala?”

18Mitaga Yesu inikoli si nanamsa gaga, mauula ikaibiga, kawala, “Avaka paila bukuwakolaigusi? Mina katudewa gaga yokomi. 19Kuvitulokaigusi bagisi manila pokala.”

Imiakaisi matauna kwaitala mani,n 20e ikatupoi matausina, kawala, “Availa kaikobula deli yagala isisu baisa?”

21Ikaibigasi, kawasi, “Sisa.”

Mapaila Yesu iluki matausina, kawala, “E bukusakaisi Sisa avaka la vavagi Sisa; deli bukusakaisi Yaubada avaka la vavagi Yaubada.”

22Bogwa ilagaisi makwaina, itutu uwosi; e isilavaisi matauna ilosi.

23E mayamna wala Sadusio imakaiasi matauna. Matausina si vituloki kidamwa tomata gala bitokaiasi bimovavausi. * 24Ikatupoiyaisi matauna, kawasi, “Tovituloki, Mosese leikaibiga kidamwa taitala tau bikaliga gala pesila, ibodi bodala bivaiya kubuyala, kidamwa bisim pesila tuwala. * 25Taitala deli yakamaisi isisu deli budala tailima taitala; e matauna kuluta ivai oluvi ikaliga gala pesila. Oluvi matauna isakaili ivaiya minana. 26Oluvi mtona ikaliga makawala wala, e moluluwala makawala, e tailima taiyu makawala goli mitaga gala pesisi. 27Kala vigimkovila minawena vivila ikaliga. 28Mapaila igau tutala tomata bitokaiasi bimovavausi matausina tailima taiyu avai tau minana la kwava? Paila komwaidosi bogwa ivaiyasi minana.”

29Mitaga Yesu ivitakauloki matausina, kawala, “Kusulasi paila gala kunikolaisi Buki Pilabumaboma,p deli avaka la peula Yaubada. 30Paila tutala tomata bitokaiasi bimovavausi, matausina gala biveivaisi; mitaga bisisuaisi makawala anelosi wa labuma. 31Mitaga paila tomata si tokaia, ammakawala? Ki, gala sitana kukwalawasi avaka Yaubada ilivala baisa yokomi, ikaibiga, kawala, 32‘Yeigu Eberaam la Yaubada, Aisake la Yaubada, Yekobe la Yaubada’? Metoya baisa bitagisi matauna si Yaubada tommomova; kidamwa Yaubada la tomota bikaligasi baisa ovalu watanawa, isisuaisi tommomova omatala Yaubada.” *

33E tutala tobobawa ilagaisi makwaina itutu uwosi paila la vituloki.

34Mitaga Parisiq ilagaisi Yesu ikatupatu udosi matausina Sadusi, e isigugulasi. 35E taitala matausina, tokabitam paila Mosese la Karaiwaga, mwada biwakoli, ikatupoi matauna, * 36kawala, “Tovituloki, avai karaiwaga ola Karaiwaga Mosese isiligaga?”

37Yesu iluki matauna, kawala, “ ‘Bukuyebwaili Guyau m Yaubada metoya olopom komwaidona, deli om baloma komwaidona, deli onanom komwaidona.’r* 38Karaiwaga makwaina isiligaga e ikugwai. 39Isisu kwaiyuwela makawala makwaina, ‘Bukuyebwaili som makawala kuyebwailim titoulem.’ * 40Komwaidona Mosese la Karaiwaga deli si uvituloki tovitoubobutas eisagasi metoyasi baisa makwaisina karaiwaga kwaiyu.”

41Tutala mimilisi Parisi isigugulasi, Yesu ikatupoi matausina, kawala, 42“Avaka kudokaisi paila Mesaia? Mesaiat availa dalela?”

Ilukwaisi matauna, kawasi, “Debida dalela.”

43E ikatupoi matausina, kawala, “Ammakawala Baloma Tobumaboma iviyelu nanola Debida e idoki matauna Guyau? Paila ikaibiga, kawala,

46E gala igagabila taitala bimapu matauna kwaitala biga; e metoya wa yam makwaina komwaidosi ikukolaisi bikatupoiyaisi matauna avai katupoi tuvaila.