l'ẹhu-eghughu iya;

gude urukpu kpọ-chia ndu Záyọnu.

Eze ùgvù ono, ndu Ízurẹlu

shi nweru ono; b'o mewaru;

yọ bụru iphe-mmanu.

O gudewa ẹhu-eghughu

nwuhaa eze-ụlo iya lẹ Jerúsalemu.

mebyishikota ufu ndu Ízurẹlu.

O gude ẹhu-eghughu

nwutsushia ẹke ndu Júda kpụru;

yọ bụru ọkpo-mgbinyiku;

O mewaru alị-eze iya;

mẹ ndu eze, achị iya nụ;

ẹphe adarua alị;

nafụ ẹphe ugvu ẹphe.

nafụ Ízurẹlu ike iya.

O sefuru ẹphe ẹka lẹ ndu

ọhogu ẹphe rutaderu.

O keru phophopho l'ọ bụ ire-ọku;

kepyashia iphe, bụ iphe Jékọpu l'ọ ha.

gude ẹka-ụtara iya seta iya kẹ jijiji.

Iphe bụ ndu, ẹnya eje b'o gbushigeru.

Ọ vọtaru oke ẹhu-eghughu

iya kpukposhi ndu Záyọnu l'ọ bụ ọku.

O mewaru Ízurẹlu omeliwe;

bya emebyishikota ufu-eze iya;

kpukpoo iphe, bụ ẹke

a kpụru; yọ bụru

ọkpo-mgbinyiku lẹ Ízurẹlu.

O mewaru t'aphụ;

mẹ ẹkwa-aphụ karu ndu Júda.

iya ẹja; b'o feshiwaru.

Ojejoje mewaru; Záyọnu azahashịa

eswe-iphe, oomeje;

zahaa jeye mẹ mbọku ọtu-ume.

O gudewa ẹhu-eghughu;

t'ọ dụhe iphe ọ gụberu eze;

mẹ onye achịjeru iya ẹja.

pawaru ụlo-nsọ iya haa.

Ọ hawaru tẹ ndu ọhogu

kụkposhikota ụpho-mkpuma

ụlo ndu eze lẹ mkpụkpu ono.

Ẹphe anọdu l'ụlo Ojejoje

tụa okokooko l'ọ bụ mbọku eswe-iphe.

lẹ ya e-nwukposhi ụpho-mkpuma,

e gude kpụ-pheta Záyọnu mgburumgburu.

O gewaru iya ụdo.

Ẹ to seladu ẹka azụ jeye; yo mebyishihu.

O mewaru tẹ ẹke,

a kpụ-shiru ike yẹle ụpho-mkpuma;

raa ẹkwa-aphụ.

Ẹphe atụko l'ẹphe ha mebyishihukota.

Mgbọro-ígwè, eegudeje

akpọ-chi ọnu-ọguzo ono;

b'ọ nyakwoshiwaru; yọ bụru iyi.

Eze, achị iya nụ;

mẹ ndu ishi iya b'a

kpụkotaru lẹ ndzụ laa

iphe, bụ mbakeshi.

Ẹ tọ dụhedu ekemu, achị ẹphe.

Ndu nkfuchiru Nchileke l'ẹphe ha;

bẹ Ojejoje te mejehedu t'ẹphe phụa àphụ̀.

ndu Záyọnu gwọshitawaru l'alị;

ọnu ta dụhe ẹphe k'okfu.

Ẹphe kpowaru ẹja kpua

onwẹphe l'ishi; yee uwe-aphụ ẹphe.

Ụnwu-mgbọko Jerúsalemu;

bẹ fukotawaru kpokongu.

ẹnya ekoshia mu ekoshi.

Meji akfụ mu nkfụ; obu l'ete mu egvu;

kẹle ndu nke mu b'e gbugewaru.

Ụnwegirima nshịi;

mẹ ndu e he l'ẹka;

bẹ avẹshihu avẹshihu

lẹ mbadụzo mkpụkpu.

nne ẹphe mkpu nri: mẹ mkpu mẹe

l'ẹke m̀bà abyatsua ẹphe atụtu lẹ mbadụzo;

l'ọ bụ ndu e mekaru iphe;

mbụ l'ẹke ẹphe nọtsua

nne ẹphe l'ẹka; l'abya ọtu-bu ume.

?Bụ ngụnu; bẹ ya a-tụru ngu yeru;

nggụbe Jerúsalemu?

?Bụ ngụnu; bẹ ya a-sụ l'ị bụ oyeru iya?

?Bụ onye b'ọ dụjewaru ẹge ọ dụru ngu;

k'ọphu ya e-gude iya dụa ngu ike; nggụbe Záyọnu?

Iphe, meru ngu nụ hakwa l'ọ bụ eze ẹnyimu;

?bụ onye e-meghe t'ị ka mma?

phụru bụ ẹjire; bụru ụgho.

Ẹphe te medu t'ẹjo iphe unu vọo;

k'ọphu ee-me t'ẹ b'a kpụ unu lẹ ndzụ.

Ẹja, ẹphe ziru bụ ẹjire;

bụru iphe eduphu madzụ eduphu.

nmaa ọtsa; phuphee ishi; sụ:

mbụ mkpụkpu-a,

ebukota iphu anụ ngu;

l'atụpya okpuru-ọswa;

avọru ngu eze; l'ekfushi; sụ:

Ọ bụ ntanụ; bẹ ayi shikpo chetaru.

Nta-a; bẹ ayi nọwa ndzụ phụ ishi iya.”

O mewaru iphe ọ sụru lẹ

ya e-me, bụ ẹge o kfuru iya

teke tehawaruru etete.

Ọ tanyiru ẹnya kwatsua ẹphe.

O mewaru tẹ ndu ọhogu

ngu tụa okokooko kpua ngu.

O mewaru ndu ọhogu

ngu t'ẹphe ka ngu ike.

Nggụbe ụpho-mkpuma Záyọnu;

t'ẹnya-mini wụshikwaa ngu

l'ẹnya l'ọ bụ ẹnyimu: eswe l'ẹnyashi!

T'ẹ b'ọ dụkwa teke

ịi-kwanyaa ẹkwa ono; haa ya;

wata ofucha onwongu ẹnya.

l'oge teke ono, nche ẹnyashi awatajẹ ono!

Tụshihuru Nnajiufu obu

ngu l'ọ bụ onye wụshiru mini.

Chị-lia ẹka; kpọ-kua ya

l'okfu ishi ụnwegirima ngu,

m̀bà atụtsua lẹ mbadụzo.

?Bụ onye bẹ i mejewaru ẹge-a;

?bụ t'ụnwanyi talahaa anụ

ụnwegirima ẹphe tọo;

mbụ ụnwegirima,

angụkwadu ẹphe ẹra?

?Bụ t'e gbushilahaa ndu

achịjeru Nchileke ẹja;

mẹ ndu nkfuchiru

Nchileke l'ụlo-nsọ kẹ Nnajiufu tọo?

zẹshiwa lẹ mbadụzo.

Ụnwu-okoro;

me ụnwu-mgbọko mu phẹ;

b'e gbukotawaru lẹ mma.

I gbushiru ẹphe teke ẹhu

eghu ngu eghughu.

I tanyiru ẹnya gbushia ẹphe.

bụ ẹge i meru iphe

eye-egvu; a zaa bya

agbaphee mu ẹka labụ.

Mbọku, iphe eghu Ojejoje eghughu;

b'ẹ tọ dụdu onye nahụru nụ;

to dụ onye wafụru nụ.

Iphe bụ ndu mu heru hefuta;

bẹ ndu ọhogu mu gbugeru.”