1Kara togotogo gaira tara dolovira tana bona

A Lord ke volara tana bona ni sosodo

2Ma Lord te righitaonira, me nera ge ra vola

me nera ge ra lologho, me hola kehara tana ghadira na levunimate

3Ma Lord te kisu volara tana bona kara vahaghi

me kubolui didira vahaghitaili.

4Lord, inau tu kokoeliulivuti,

ko aroviu mai, ko kisu volau

na pukuna inau tu palugha tana matamu.

5Mana ghagua na levunimate

tara mua bosaa siki hava ta nigua na hahi:

Ke ghua nigha ke mate ma ka nia ponolio,” ra ghaghua.

6Ra mai kaou vaghara rana kukuagu.

Me hau vaso na pile ra pasapasau so mara tutugu koliliu ivei tara va iga.

7Ra vaevane koliliu ara hei tara kanahaghiniu

mara ghanaghana ivei tea na dikaagu.

8Ke luvu lee vamua na hava te loghoa

me ke mua tangomana ge ke rughu horu sania na bona te sopou ga.

9Sughua na puku ni kulagu tu ghanaghana mavaa

mu nia vanga koukolu te kanahaghiniu.

10Lord ko aroviu, mo ko ghoi vola oliu mu ku ghoi pelu olira.

11U ghilala to lio uto vaniu,

na pukuna to mua tuvalira ghagua na levunimate

ge kara laga vuleu.

12Na pukuna to nea na volagu

ge ke mua kalea na hava te dika

mo laviu va tana malamu talau.

13Vautoa Lord, God ni Israel

te kabu kasila tana lei vavata ke va ma va Amen ma Amen.