1Inau tu pitu kikinima Lord,

ge ke hangau mai me ririu vaniu mai

me rongovia nigua na hoholo.

2Me lavi horu kebau tana gilu mamata [ghaghua]

sania na nenepa mana pari luiluki,

me kabu laghinia na tuagu tana pari ngutu

me are lavaghinighi na lei nigua na tonatona.

3E vaheu mai na linge vaolu

ge ku lingea na Hymn ni vatei holohabana dida na God

[subo kara righia na hava te gonia ma kara nia hare

ma kara talua didira na ghanaghana mava tatana Lord /

Ara subo kara righia, ma kara kikinima

ma kara talua didira na ghanaghana kodo itatana Lord.]

4Holoutoa na tinoni te ngasilia nina taluutuni tatana Lord:

me mua liliu vania te talunagho

ma rahei tara nia oli kolili na sorisori.

5Ghe Lord, nigua na God,

e haeharegha nimua na lei lutu to gonighi:

vagha ghua nimua na ghanaghana talu togo itamami

me taho hei tinoni ke vatoghara ke vaghagho.

Ma ge ku talu tatea mu ku bosara ke,

Kara au vulei va ku bosai.

6O mua nia togotogo ngangata nia na sukaghi mana hevei oli

to liona vamua na hulina to gonia tua vaniu.

Na lei sukaghi kakeri mana sukaghi ni palu to mua puku ni lioni.

7Keri ge u bosa,

“Inau ku mai

tana lei buka na gegeregu iga,

8ge inau ku hui kikinagea nimua na lioliogha

ghe nigua na God

mu nia togo na goniana

Ma nimua na vetena tana tobagu.

9mu bosaa ghua tua nimua na utuni

maia nimua na maana ni vola.

10Inau tu mua matapoloi

nimua na veiarovi mana utuni

tana vaukolu ni mavitu

11Ko bei holaa olia nimua na veiarovi tagua,

Ighoe Maghutu.

Ko lubatia nimua na dolo ni veiarovi mana utuni

ke pilupilu haia.

12Na lei gunaguna te subo vulei nigua na iduidu tara talighutiu

na lei porongiu ge u mua tangomana na rei tada

na pukuna ra subo vulei na vuvulu ni ulugu.

16Mara hei tara kene taonigho ke vonughira na togotogo

ma rahei dolovia nimua na huioli

ka gehegehe dato ma kara ghaghua,

“A Lord te rongoragha.”

17Ma vaniu inau tu bona mu liona na hahanga,

Ma Lord te ghanaghanau mai taeni

Ighoe nigua na hahanga mana vavola

Ko bei kiki ghe nigua na God.