1Pakai hi leng ahi! Vannoi mite kipah hen! Twikhanglen akimvelle agamla penna um miho jong kipah uhen. 2Amahi meilhang thim in atomin, chonphatna le thudih chu alaltouna khombul ahi. 3Amasang ah meikong aleng’in akidoupi ho ahallih gamin ahi. 4Akolphe vah'in vannoi leiset asalvah’in ahi. Leiset in amun akithing thingin ahi. 5Molle lhangjong Pakai masanga khoilu bangin ajunlha jengin ahi. Leiset pumpi Pakai masanga hitiahi thil soh-a ahi. 6Vanhon adih nale akitahna aphongdoh’in namtin’in aloupina amu’uvin ahi. 7Milim semthu doihou ho jouse, pannabei semthu pathen kiletsahpi hojouse jumle jachat athoh’un ahi, ajeh chu semthu pathen hojouse a-anga kun teidiu ahi. 8Jerusale in ajauvin akipah un chuleh Judah khopiho jouse jong athanom’un ahi. Ajeh chu O Pakai nangma thudih nahi. 9Nangma hi O Pakai vannoi leisetna athupipen nahin, semthu pathenho jouse chunga dopsang’in naumin ahi. 10Nangho Pakai ngailuhon thilse nahot bollun ahi. Aman ami chonphate ahinkho-u ahuhdohjin ahi, chuleh miphalouho thaneina a kon in ahuhdohjin ahi. 11Michonpha ho vah-in asalvah’in, chuleh milungdih ho akipah jiuvin ahi. 12Koi hileh michonpha ho jouse kipah henlang amintheng chu thangvah’u hen!