1O Pathen themmona bei kahi neiphongdoh in! Pathen ginglou hoa kon in nei vengdoh in, chutengleh mikitah lou holeh joupan hoa kon in neihuhdoh in. 2Ajeh chu nanghi kakiselna Pathen nahi, ibol a neipaidoh hitam? Ibol a keima kadougal ten eibolset jeh a lunggim a kava lele dingham? 3Nadih na le navah na chu neihinsol peh in, hichun eilamhil hen. Hihochun nangma chenna muol theng chu neilhut hen. 4Hikomma chun keima Pathen maicham achu kasemjang puma kathang vahding ahi, O Pathen kaPathen. 5Idia lungkham kahim? Ipi dinga kalung lhadah ham? Keiman kakinepna Pathen a koi ing e! Eihuhhingpa le kaPathen keiman nangma thangvah kit inge!