Bibeli Luayãtaalá Soũↄ 114

Gɛ̃amusu dikpɛ lɛ

1Kɛ́ Isailiↄ bↄ̀ Egipi,

kɛ́ Yakↄbu buiↄ bↄ̀ bui zĩ̀loↄ guu,

2Yuda bùsu gↄ̃̀ Dii kúkĩi ũ,

Isaili bùsu gↄ̃̀ aà kiblekĩi ũ.

3Ísia Tɛ̃a è ↄ̃ à bàalɛ̀,

Yuudɛ̃ í kpɛkpà.

4Gbɛ̀sĩsĩↄ vĩ̀vĩ lán sãↄwa,

sĩ̀sĩↄ ↄyaayè lán bleↄwa.

5Ísia, bↄ́mɛ n le n bàalɛ̀i?

Yuudɛ̃, àkɛa n kpɛkpài?

6Gbɛ̀sĩsĩↄ, bↄ́yãi a vĩvĩ lán sãↄwai?

Sĩ̀sĩↄ, àkɛa a ↄyaayè lán bleↄwai?

7Dṹnia, lualua Dii mↄa guu,

dee Yakↄbu Luapi aɛ.

8À gbɛsi kɛ̀ ibↄkĩi ũ,

à gbɛkão lìlɛ nibↄna ũ.

Notes

*114:1 Bↄa 12.51

†114:3 Bↄa 14.21

‡114:3 Yoz 3.16

§114:8 Bↄa 17.1-6, Nao 20.10-11