2Lá tue ì swa saɛ nidɛ,

màa n ni ku ma sↄ̃u, Lua.

3Lua ni lɛ́ ma dɛ, Lua bɛ̃́ɛpi.

Bↄɛ má e gɛ wɛsiaàlɛi?

4Wɛ́'i mɛ́ gↄ̃̀ ma pↄblea ũ fãanɛ ń gwãasĩnao.

Wìↄ omɛɛ gↄↄpii:

N Lua ku máɛ la?

5Yã́ɛ beeↄ dↄ̀magu,

ↄ̃ málɛ ma nↄ̀sɛ yã́ↄ bↄlɛ.

Miↄ gɛ́ yãa bíla guu e Lua ua,

gbɛ̃́ↄ ì dↄdↄkↄ̃wa ma kpɛ ń gulao,

dikpɛkɛnaↄ ì nↄnↄaa ń táasilɛao.

6Bↄ́yãi ma sↄ̃ ↄ̃̀ↄkpài?

Bↄ́yãi ma nↄ̀sɛ yài?

Sema màↄ wɛdↄ Luazi,

asa má ɛa màↄ aà táasilɛ,

ma Suabana, ma Lua.

7Ma sↄ̃ ↄ̃̀ↄkpà ↄ̃ n yã́ dↄ̀magu

za Mizaa gbɛpↄlɛu Yuudɛ̃ mii,

za Ɛɛmↄ gbɛ̀sĩsĩↄ sↄ̀ↄu.

8Ni to isukaa kↄ̃fĩ àↄ dↄ,

ísiↄ lɛ́ lɛzukↄ̃i,

ń tò í lɛ́ damala,

a sↄ̃́ lɛ́ tamanↄ.

9Dii ì gbɛ̃kɛkɛmɛɛ fãanɛ,

aà lɛ ìↄ dↄ ma lɛ́u gwãasĩna

wabikɛa Lua pↄ́ ma wɛ̃ni ũwa.

10Mi o Lua ma gbɛsiɛ:

Bↄ́yãi ma yã́ sã̀ngui?

Bↄ́yãi ń tò miↄ bɛ oosisia

wɛ́tɛ̃a pↄ́ ma ibɛɛ lɛ́ mↄmɛɛ yã́ii?

11Ma ĩadamadeↄ ì ma sↄ̃́sↄ̃,

ma wá ìↄ wí,

aaìↄ omɛɛ gↄↄpii:

N Lua ku máɛ la?

12Bↄ́yãi ma sↄ̃ ↄ̃̀ↄkpài?

Bↄ́yãi ma nↄ̀sɛ yài?

Sema màↄ wɛdↄ Luazi,

asa má ɛa màↄ aà táasilɛ,

ma Suabana, ma Lua.