1Wunba baka be fara damm po na, parpeenn tee u yare.

Yennu saa sommɔ yoo nba ki u be daamuk ni.

2Yennu sii guu-u ki u mɔk manfoor,

u saa te ki u be tiŋ na ni, ki mɔk parpeenn,

u kan ŋaau yann ki te ki u datai diau.

3Yennu saa sommɔ yoo nba ki u be baatdiiuk ni,

ki saa turɔ laafia.

4N yet a, “Yennu, n tun ki biirawa, ŋaan tinimin ninbaauk,

5N datai yeen linba ki ŋane ki teenin.

Bi loon man kpoe ki bin tamm n po.

6Binba baat ki foontin na tee fai damme,

ki tabintin barbiit, ki tuu nyi nann ki piak sɔɔ kur.

7Binba ki loon na lɔkine ki teen leeb,

ki biirin ki bikii bonbiir nba saa baarin biaŋinba.

8Ki bi kur yeen a, “Baatbiiuk soorɔwa;

u kan ban paaki.”

9N yɔmɔŋ gbaa, wunba ki n teenɔ yada,

ki min nan ŋɔɔ tun ki tuun saaŋmaŋ ni na nyii n poora.

10Yennu, tinimin ninbaauk ki turin laafia,

ki n saa pa jiin n datai.

11N mi nan a mɔk parpeenn nanin,

ki n datai kan fit nyannimi.

12A saa sommima, kimaan n tuun linba ŋan,

ki a saa te ki mii be a boor yoo kur.

13Pakin ki dont Israel teeb Yomdaanɔ Yennu man.

Pakin ki dontɔ mɔtana nan yoo nba kaa paak.

Mamɔmm, lii tee nna.