1La yuwak nob merangkab kange nob yoka kemer doreko bouti Yeecu nen cin nuwacoti. 2Farisawa kange nob mulangka bo cima fwenati bwitici ciki” Niwo yo nob bwirangkebti ci ca caitoti waritak. 3Yeecu tok danke wo yici. 4Canno kange kume ki kwame kumi kwo lawin more ce lem, mani ca dob kwini Teer culombo teere ti naci bwanten meka wuro win lemeu naci fiyam. 5Tano ci fiyam ri naci tuu ci yaken Lagwamcem ci no fuwor nerer tiye. 6No ci yilaudi naci cwo farubcebo kange nubo biom kange ceu, naci yici, kom ti kanye fuwor nerer min fiya kwame mi lemeu. 7Miyikomti nyo a ma fuwor nerer tiye dii kwama don ni bwiranker win kange nobo kiner luma kwini taar culombo teereu wuro dobo ywelka bwirange keu cereu. 8Kaka we nawiye, ki kemer nai nyo kwob no lemdi manica wentalkire ti ci nyina yum mor kuwe la citi doi naci fiyam me? 9Noci fiyam laci mwer farubcebo kange nubo bidom kange ceu ciyicii kom tikanye fuwor nerer min fiyam kwame meu. 10Nyo mi yi komtiye, diker fuwer nerer nob tomangeb kwamab cano, ni bwinrangke winn dob bwirangkerori. 11La Yeecu yici “Ni kange wi ki bibei bayilob yob. 12La bi duwareu yi teece Tee neye miu kwalito mor cuweka mwekonin. Dila Tee ce kabkamm cinen kwalito. 13Ki Kumeni kilabori dila bwe biduware murance kwalito yaken biti kange katangi. cin yakcangum kwalito tie nen bikulentiti yakcangum kemero cero noranka diker. 14Kambo ci yakcangum kwalitori la cin ma wura kambo ken bitine con ni lam doken bwini. 15Yacin neken dorcero nangen ni kange bitineco, la twamom mor tangini ce nacinen Bilerce cariti. 16La cin cari ca do dike bilerece a catiyeu, wori ni kange mani neco cariti. 17Dila kambo yulancero bwiceri yice ki cnga Tee mi cingile cike cari la cinnen bo dila mi fo ma bwiyati ka ker carity. 18Man kweni neken Tee mi in yico “Tee Min ma dikwanin bwirainke min kangmwen. 19Ma datenbo coya muki bibwemiri yokenye min yilam win mor cangabtinim mweb?”. 20Lacin kweni, cibou tecemin. Dila kambo ci kutanneri, la Tee ce tomco cibwini ceto yaki cwak, yan bwabco, lata macinen cuika. 21Bweu inyico Tee, mi ma dii kwama nen bwiranke, min kangum mwen. ma labo coten ye muki bi bwemwe. 22Di la Teece yi cangab cebo, kom bouki bellewo yor yoreu, kom ducinen kon dok cinen keneu kange cek kange ta nacek. 23la ko bou ki neneu mobiyeu kom biyem bima cenen bilengtum ciko. 24Na weu bebwemi bwiyam fiyeco dila naweu yilau ki dume. Lem fiyeco dila fiyau. lacin teer cika. 25Ki kwama co bibwece durko ki kambo dadom loweri cin nuwa ci kwaban dikerti kange nuwetinin. 26Lacin com kange bwe canage loceu meco dikerowo mati loriyeu. neneu mob mobeu wori cin yilau lo kwamer. 27Bwe cangau yico kemwe yilau lowe, Tee mwe biyem neneu cin yilau lo kwamer. 28Di la kece bwe durko mam funer ko do kako mor luwe Tee ce ceriu kale kinang co. 29Bwe durko ciyace Tee ce ki to ka cotiyowo mi ari kange mo ki komwem bo tomange nii wucak kange wo mune yob be nibeni wo ma cati kange farub mibeu. 30Di la bwe wuro ya cutang bicir mwer dor mun biye cinen kalnenero mob mo bo. 31Di la Teece yico ki “Bibwemi, mu wari kange mo gwam dikero na mi yeri na mwe. 32Di la dong dong cimamwen luma kange fur nerer, wori kemwe wo buyam dila nawori ki dume, fiayco lem la nanweu, bin fiyam.