1Kom teluweb, kon ne canga kumeu dike dong-dong wo daten kana ciyeu. Kom nyumom kom wi ki Teluwe dii. 2Kom Ca kaba mor kwama wom kobka dilok. 3Ko kob dilo wari dor nyer, na kwama wom nyilo wo kero ceu, natok yurke kritti la co ma kumkuwe. 4ko kwob dilo nan nyumom tok ka ceko dong dong, nawo daten tokeu. 5Ko ya yam ki yulan kange nubo o kaleu, ko ma nangen beri tungande. 6Ker kume ro kir kir a yilam ker lumar. la a yilam ki luma nuwaka, na ko nyumom kam kak kar nubo nen tiyeu. 7-8La kange dike buro ma more cou, Tikiku an yi fwetan kumen ci. co yimi ma cui cuiyeu, con far canga mi mor Teluwe. Matoum co kumenceu cowo na nyumom dike nyo more ceu, na ne kom bikwan neerer. 9Ma tuom co kange Onicimus wo ma ciya ciya yibe win more kume wo ma cui cuiye. Ci an yi kom gwam dike bwi feu. 10Arictakus far kuka miko yarum komti, kange Markus yii Barnaba (wuro dorcer ka fiya ker ki nyilae na bouri ko yoco). 11Kange Yeecu wo coti Yucteu, ci kwaci mor faru ngeneb mibo biyem lare farub nageneb wo liyar kwamaro ceu. cin yilam birom neerer fiye mi wiyeu. 12abafaras Yarum komti com win more kumenin la canga Almasifu Yeecu. Kir kiri kwob kumen diloti, na ko tim dimdiye na bilenkerero ceu mor dike kwama cuiye. 13Na wark ti dor cer la con ma nangenti ki bi kwan dor kumer, kange nubo wo lawudikiya kange nubo wo mafuliyeu. 14Luka nii Nyinonge wo ba cuiteu kange dimac. yarum kom ti. 15Kom yarum kebbebo wo lawudikiyau, kange nimf kange ku wabe loceu. 16kambo kiye kumen tomange wo tiber kumere di, La na kiye ten tak ku wabe wo lawudi kiyau, ko Nyumom kom kiye tomange wo lawudukiya. 17Ko yi Arkiba co ayo neerrcer nagen do ca yo mr Teluwe wori na ci dim. 18Yarume wo ki kang mik Bulus. Ko kwabi ki kuka miko luma ayi kange kom.