سوال: اوبھڑ قوم وچ ویاہ بارے کلام پاک کیہ کہندا اے؟

جواب: پرانے عہد نامے وچ اسرائیلیاں نوں حکم دتا گیا کہ اوہ اوبھڑا قوم وچ ویاہ نہ کرن "استثناء 7 باب 3 تے 4 آیت"۔ اسرائیلیاں نوں ایہہ حکم دین دی وجہ ایہہ سی کہ جے اوہ ایہناں قوماں دے نال ویاہ کردے جہیڑیاں بُتاں نُوں پوجدیاں، آگ نوں پُوجن والے یاں کافر نیں تے اوہ کراہے پے جان گے۔ نویں عہد نامے وچ وی سانوں ایہو قانوں ملدا اے، پر اک وکھرے ڈھنگ نال: "بے ایماناں دے نال غلط جوئے وچ نہ جُتو کیونجے راستبازی تے بے دینی دا کوئی میل جول نہیں" یاں "چانن تے ہنیرے وچ کیہ بھیالی؟ " "2۔کرنتھیوں 6 باب 14 آیت"۔ انج جیویں اسرائیلی "ایماندار جہیڑے اک سچے رب نوں من دے" اوہناں نوں حکم دتا گیا سی کہ بے ایماناں دے نال ویاہ نہ کرن۔ بس مسیحی "ایماندار جہیڑے اک سچے رب نوں من دے" اوہناں نوں حکم ملیا کہ اوہ بے ایماناں وچ ویاہ نہ کرن۔ ایس سوال دا جواب ایہہ ہے یاں نہیں، کلام پاک ایہہ نہیں کہندا کہ دوجیاں قوماں وچ ویاہ غلط اے۔

اک بندے جنے یاں زنانی دا اوہدے کردار دی وجہ توں پتہ لگدا اے، اوہدے ماس دے رنگ دی وجہ توں نہیں۔ سانوں ساریاں نوں ہوشیار ہونا چاہیدا اے کہ کسے دی طرفداری نہ کرئیے، نہ تے دوجے دے نال کسے نسلی وتکرے "یعقوب 2 باب 1 توں 10 آیت، اچیچا 1 اتے 9 آیت ویکھو"۔ اک مسیحی جنے یاں زنانی دا اپنا جیون ساتھی چنن دا معیار ایہہ ہونا چاہیدا اے کہ اوہ انج دا ساتھی بھالے جہیڑا مسیحی ہوئے "2۔کرنتھیوں 6 باب 14 آیت"، اوہ جہیڑا یسوع مسیح تے ایمان لیاؤن دی وجہ نال فیر جمیا ہوئے "یوحنا 3 باب 3 توں 5 آیت"۔ مسیح تے ایمان ، ماس دے رنگ دی وجہ توں نہیں، کلام پاک دے مطابق شریک حیات دا چون کرنا۔ اوبھڑ قوم وچ ویاہ کرنا صحیح یاں غلط دا مسئلہ نہیں، سگوں حکمت ، سیانف تے دعا۔

اُکا ایک وجہ توں اوبھڑ قوم وچ بڑے دھیان نال ویاہ کیتا جاندا اے کیونجے وکھریاں نسلاں دے ملے ہوئے جوڑیاں نوں اوکڑاں دا ساہمنا کرنا پیندا اے کیونجے اوہناں نوں قبول کرنا دوجیاں لئی اوکھا ہوندا اے۔ بہت سارے اوبھڑ قوم وچ ویاہیاں جوڑیاں دے نال بھیڑا ورتارا رکھیا جاندا اے تے اوہناں دی بے عزتی کیتی جاندی اے، کئی واری تے اوہناں دے اپنے ٹبراں وچ ای۔ کجھ اوبھڑ قوم وچ ویاہے ہوئے جوڑیاں نوں اوس ویلے اوکڑاں دا ساہمنا ہوندا اے جدوں اوہناں دے بچیاں دا رنگ اوہناں دے ماں پیو یاں بہن بھراواں توں وکھ ہوندا اے۔ اوبھڑ قوم وچ ویاہے جوڑیاں نوں ایہناں شیواں نوں اپنی نظر وچ رکھن دی لوڑ اے تے اوہناں نوں ایس لئی تیار رہنا چاہیدا اے، کہ اوہناں نوں ویاہ کرنا چاہیدا اے۔ فیر بھاویں اُکا کلام پاک دی پابندی اوس ویلے ای اے کہ مسیحی جیہدے نال ویاہ کرن جاندا اے کیہ اوہ دوجا بندہ مسیح دے جُثے دا انگ اے۔

پنجابی دے مڈھلے صفحے تے جاؤ

اوبھڑ قوم وچ ویاہ بارے کلام پاک کیہ کہندا اے؟