سوال: اوبھڑ بولیاں دی نعمت کیہ اے؟ اوبھڑ بولی دی نعمت اج دی دنیا لئی اے؟ اوبھڑ بولی وچ دعا کرنا کیہ اے؟

جواب: اوبھڑ بولی وچ بولنا پہلی واری اوس ویلے ہویا جدوں پینتکوست دے دن اعمال 2 باب 1 توں 4 آیت۔ شاگرد باہر نکلے تے بِھیڑ دے نال کلام پاک نوں بیان کیتا، اوہ اوہناں دے نال اوہناں دی ای بولی وچ گل کردے سن، "پر اپنی اپنی بولی وچ اوہناں دے نال رب دے وڈے وڈے کماں نوں بیان کردے سُن دے نیں" (اعمال 2 باب 11 آیت)۔ یونانی لفظ جیہدا اُلتھا بولیاں کیتا گیا اے اوہدا ادبی مطلب بولیاں نیں۔ ایس لئی اوبھڑ بولی دی نعمت اوہ بولی اے جیہنوں کوئی ہور بندہ نہ جان سکے تے اوہ ای جانے جیہڑا ایس بولی نوں سمجھ سکدا اے۔ 1۔کرنتھیوں 12 اتے 14 باب وچ پولوس کرشمے کرن دی نعمت بارے بیان کردا اے، اوہ دسدا اے کہ ، پس اے بھائیو جے میں تہاڈے کول آ کے اوبھڑ بولی وچ گلاں کراں تے مکاشفہ یاں علم یاں نبوت یاں تعلیم دیاں گلاں تہاڈے نال نہ کراں تے تہانوں میرے توں کیہ فائدہ اے؟ (1۔کرنتھیوں 14 باب 6 آیت)۔ پولوس رسول دے مطابق تے وعدے دے نال جیہڑیاں بولیاں اعمال وچ بیان کیتاں گئیاں نیں، اوبھڑ بولی وچ بولنا اوس اک بندے لئی تے چنگا اے جیہڑا مرد یاں زنانی ایس سنیہے نوں سمجھدا اے پر دوجے سبھناں لئی ایہہ بے فائدہ اے۔ اوس ویلے تیکر جدوں تک کوئی دوجا ایہدا اُلتھا نہ کرے۔

اک بندہ جیہنوں اوبھڑ بولیاں دا اُلتھا کرن دی نعمت ملی اے (1۔کرنتھیوں 12 باب 30 آیت) سمجھ سکدا اے کہ اوبھڑ بولی بولن والا بندہ کیہ بولدا اے جدوں کہ اوہ مرد یاں زنانی جیہڑے ایس بولی نوں بول رہے نیں نہیں جان دے کہ کیہ بول رہے نیں۔ اوبھڑ بولی دا اُلتھا کرن والا اوس ویلے اوبھڑ بولی بولن والے دا سنیہا دوجیاں تیکر پچا رہیا ہوندا اے تانجے سب سمجھ سکن۔ "ایس سبب نال جیہڑا اوبھڑ بولی وچ گلاں کردا اے اوہ دعا کرے تے اُلتھا وی کرے (1۔کرنتھیوں 14 باب 13 آیت)۔ پولوس اوبھڑ بولیاں دے پاروں ایس زبردست نتیجے تے پہنچیا، "پر کلیسیا وچ اوبھڑ بولی وچ دس ہزار گلاں کرن توں مینوں ایہہ بہتا پسند اے کہ دوجیاں دی تعلیم لئی پنج گلاں ای عقل دے نال کہواں" (1۔کرنتھیوں 14 باب 19 آیت)۔

کیہ اوبھڑ بولی دی نعمت اج دے دور لئی اے؟1۔کرنتھیوں 13 باب 8 آیت دسدی اے کہ بولیاں جاندیاں رہن گیاں، بھاویں ایہہ ناقص جاندا رہے گا جدوں "کامل" آئے گا 1۔کرنتھیوں 13 باب 10 آیت۔ کجھ نکتیاں وچ ایہہ فرق بولیاں، نبوت تے حکمت "مُک جائے گی"، بولیاں دے نال "مُک جائے گی" ایہہ اک ثبوت اے کہ ایہہ بولی جدوں کامل آئے گا تے جاندیاں رہن گیاں۔ ہو سکدا اے صاف طور تے ایس آیت وچ بیان نہ ہوئی ہوئے۔ فیر وی کجھ آیتاں سانوں راہ وکھاؤندیاں نیں جیویں یسعیاہ 28 باب 11 آیت تے یو ایل 2 باب 28 تے 29 آیت ثبوت اے کہ اوبھڑ بولی رب دا نشان اے اخیر زمانے لئی۔ 1۔کرنتھیوں 14 باب 22 آیت بیان کردی اے کہ اوبھڑ بولی بے ایماناں لئی اک نشان اے۔ ایس بیان دے مطابق اوبھڑ بولی دی نعمت یہودیاں لئی اک تنبیہ اے کہ رب اسرائیل دا نیاں کرن لئی آؤن والا اے۔ جیہناں نے یسوع مسیح نوں مکتی داتا منن توں انکار کیتا سی۔ ایس لئی جدوں رب نے اسرائیل نوں جانچیا تے (70 اے ڈی وچ رومیاں راہیں یروشیلم نوں تباہ کیتا) تے اوبھڑ بولی دی نعمت نے اوہدے ایس مقصد نوں فیر پورا نہ کیتا۔ جدوں کہ ایہہ وی ہو سکدا اے، غیر بولی دا مڈھ وچ مقصد پورا ہو گیا، پر اوہنوں مکایا نہیں گیا۔ پر کلام پاک ایس گل دی حمایت نہیں کردا کہ اوبھڑ بولی دی نعمت مکا دتی گئی اے۔

اک ای ویلے وچ جے اوبھڑ بولیاں اج دی کلیسیا وچ بولیاں جاندیاں نیں۔ ایہہ کلام پاک دے وعدے راہیں ہو رہیا اے۔ ایہہ بولی اصل تے حکمت دے نال بھری اے (1۔کرنتھیوں 14 باب 10 آیت)۔ ایہدا مقصد رب دے کلام نوں اوس بندے تک پُچانا جیہڑا کسے ہور بولی نوں جان دا اے (اعمال 2 باب 6 توں 12 آیت)۔ ایہہ حکم اوس عہد دے نال اے کہ جیہڑا رب پولوس رسول دی معرفت دیندا اے، "جے اوبھڑ بولی وچ گلاں کرنیاں ہون تے دو دو یاں بہتے توں بہتے تن تن بندے واری واری بولن تے اک بندہ اُلتھا کرے۔ تے جے کوئی اُلتھا کرن والا نہ ہوئے تے اوبھڑ بولی بولن والا کلیسیا وچ چپ رہے تے اپنے دل توں ای رب دے نال گلاں کرے" (1۔کرنتھیوں 14 باب 27 تے 28 آیت)۔ 1۔کرنتھیوں 14 باب 33 آیت وچ ایہہ وی لکھیا اے، "کیونجے رب پھردول دا نہیں سگوں امن دا موڈھی اے۔ جیویں مقدس لوکاں دی سب کلیسیاواں وچ اے"۔

رب یقیناً اوبھڑ بولی دی نعمت اوس مرد یاں زنانی نوں دیندا اے جیہڑے کسے اوبھڑ بولی بولن والے بندے نال گل کرنی چاہوندے ہون۔ پاک روح حاکم اعلیٰ اے جیہڑا روحانی نعمتاں نوں ونڈدا اے (1۔کرنتھیوں 12 باب 11 آیت)۔

اُکا ایہہ وچار کرئیے کہ ایہہ سنیہا دین والیاں لئی کنے لاہے وند ہو سکدے نیں۔ جے اوہ کسے بولی سکھاؤن والے سکول وچ نہیں گئے تے ایہہ بڑے ای روانی نال لوکاں دے نال اوہناں دی اپنی بولی وچ گل کردے نیں۔ فیر وی رب انج نہیں کرنا چاہوندا۔ بولیاں ایس طرحاں نہیں بولیاں جاندیاں جیویں کہ ایہہ نویں عہد نامے وچ بولیاں جاندیاں نیں ایہدے مگروں ایہہ بہت ای کامیاب تے لاہے وند نیں۔ ایمانداراں دی بہت اکثریت جیہڑی اوبھڑ بولی دی نعمت نوں ورتدی اے انج نہیں کردے جیویں کہ کلام پاک وچ اُتے بیان کیتا گیا اے۔ ایہہ اصل وچ سانوں ایس نتیجے تک لے کے جاندی اے کہ اوبھڑ بولیاں دی نعمت مُک گئی اے، یاں گھٹ توں گھٹ ایہہ رب دے منصوبے وچ اج دی کلیسیاواں وچ بہت گھٹ پائی جاندی اے۔

جیہڑے لوک ایہہ سمجھدے نیں کہ اوبھڑ بولی دی نعمت اک "دعائیہ بولی" ایہہ اوہناں دیاں اپنیاں اخلاقی قدراں نوں چنگا بناؤن لئی، اوہ اپنے ایس وچار نوں 1۔کرنتھیوں 14 باب 4 آیت اتے14 باب 28 آیت، "جیہڑا اوبھڑ بولی وچ گلاں کردا اے اوہ اپنی ترقی کردا اے تے اوہ جیہڑا نبوت کردا اے اوہ کلیسیا دی ترقی کردا اے"۔ باب 14 وچ پولوس رسول ایس گل تے زور دیندا اے کہ اوبھڑ بولی دا اُلتھا ہونا ضروری اے، ویکھو 14 باب 5 توں 12 آیت۔ پولوس رسول آیت 4 وچ کیہ کہندا اے، "جے تسیں اوبھڑ بولی بغیر التھے توں بولدے اوہ تے تسیں کجھ نہیں کردے سوائے ایس دے کہ اپنے آپ نوں ٹھیک کردے او۔ اپنے آپ نوں دوجیاں توں بہتا روحانی ظاہر کردے او۔ جے تسیں اوبھڑ بولی وچ بولدے او تے نال ای التھا وی کردے او تے سب لئی بھلائی کردے او"۔ نواں عہد نامہ کتے وی ایس گل دی ہدایت نہیں کردا کہ تسیں دعا وچ اوبھڑ بولی ورتو۔ نواں عہد نامہ کتے وی اوبھڑ بولی نوں "دعائیہ بولی" نہیں دسدا یاں خاص طور تے ایہ نہیں دسد ا کہ اوبھڑ بولی "دعائیہ بولی" اے۔ ہور ایہہ کہ جے اوبھڑ بولی دعائیہ بولی اے تے ایہ اُکا اپنی ای بہتری اے، کیہ ایہہ نا انصافی نہیں اوہناں نال جیہناں دے کول اوبھڑ بولی دی نعمت نہیں تے جیہڑے اپنے آپ نوں بہتر بناؤن دے قابل نہیں ہوئے؟ 1۔کرنتھیوں 12 باب 29 توں 30 آیت صاف طور تے اے دسدی اے کہ ہر اک نوں اوبھڑ بولی دی نعمت نہیں ملی۔

پنجابی دے مڈھلے صفحے تے جاؤ

اوبھڑ بولیاں دی نعمت کیہ اے؟ اوبھڑ بولی دی نعمت اج دی دنیا لئی اے؟ اوبھڑ بولی وچ دعا کرنا کیہ اے؟