سوال: مسیحاں لئی بپتسمہ دی کیہ اچیچا اے؟

جواب: مسیحی بپتسمہ کلام پاک موجب اک وار دی گواہی اے کہ ایماندار دے اندر کیہ بدلیاں ہوندیاں نیں۔ مسیحی بپتسمہ اک مثال اے کہ کیویں اک ایماندار مسیح دے نال مریا، دفن ہویا تے جی اُٹھیا۔ کلام پاک اعلان کردا اے کہ "کیہ تسی نہیں جاندے کہ اسیں جیہناں نے مسیح یسوع وچ رلتی ہون دا بپتسمہ لیا اے تے اوہدی موت وچ رلتی ہون دا بپتسمہ لیا؟ بس موت وچ رلتی ہون دے بپتسمہ دے وسیلہ نال اسیں اوہدے نال دفن ہوئے تانجے جیویں مسیح پیو دے جلال دے وسیلہ دے نال مُردیاں وچ جلایا گیا ایس طرحاں اسیں وی نویں حیاتی وچ چلیے" )رومیوں 6 باب 3 توں 4 آیت(۔ مسیحی بپتسمہ وچ پانی وچ غوطہ لاؤن دا عمل ظاہر کردا اے کہ اسیں یسوع مسیح دے نال دفن ہوئے آں۔ پانی توں باہر آؤن دا عمل ایس گل نوں ظاہر کردا اے کہ اسیں مسیح دے نال جی اُٹھے آں۔

مسیحی بپتسمہ وچ دو شیواں بپتسمہ لین والے نوں پوریاں کرنیاں پیندیاں نیں )پہلی( بپتسمہ لین والا بندہ یسوع مسیح نوں اپنا مکتی داتا من دا اے تے )دوجا( بپتسمہ لین والا بندہ چنگی طرحاں جان دا ہوئے کہ بپتسمہ کس شے دا نشان اے۔ جے کوئی بندہ جان دا اے کہ یسوع مسیح ای مکتی داتا اے، سمجھدا اے کہ مسیحی بپتسمہ اک قدم اے ایس گل دا کہ اوہ سارے لوکاں دے ساہمنے یسوع مسیح تے اپنے ایمان دا وکھالا کرنا اے تے چاہوندا اے کہ اوہنوں بپتسمہ دتا جاوے۔ تد کوئی وجہ نہیں کہ ایس ایماندار نوں بپتسمہ نہ دتا جائے۔ کلام پاک دے مطابق مسیحی بپتسمہ صرف تابعداری ول اک قدم اے، لوکاں دے ساہمنے ایس گل دے اظہار دا کہ میں یسوع مسیح تے ایمان رکھدا آں ایہو مکتی اے۔ مسیحی بپتسمہ ضروری اے کیونجے ایہہ تابعداری ول اک قدم اے، تے لوکاں وچ یسوع مسیح تے ایمان دا اظہار اے تے ایہدے نال عہد اے، تے یسوع مسیح دی موت، دفنایا جانا تے جی اُٹھن دا نشان اے۔

پنجابی دے مڈھلے صفحے تے جاؤ

مسیحاں لئی بپتسمہ دی کیہ اچیچا اے؟