سوال: کیہ پالتو جانور/ جانور اسمانی روحاں نیں؟ کیہ پالتوں جانور/ جانور روحاں رکھدے نیں؟

جواب: کلام پاک کوئی خاص تعلیم نہیں دیندا اے کہ پالتو جانور یا جانور "روحاں" رکھدے نیں یاں پالتو جانور یاں جانور اسمان تے جان گے۔ بہرحال اسیں کلام پاک دے کجھ سادہ جہے قانوناں نوں لینے آں تے کجھ چانن ایس موضوع تے پاؤنے آں۔ کلام پاک دسدا اے کہ دوویں بندے (پیدائش 2 باب 7 آیت) تے جانور (پیدائش 1 باب 30 آیت؛ 6 باب 17 آیت؛ 7 باب 15 اتے 22 آیت) حیاتی دا دم رکھدے نیں۔ بندے تے جانوراں دے وچکار اصل فرق ایہہ اے کہ بندے نوں رب نے اپنی صورت تے بنایا (پیدائش 1 باب 26 تے 27 آیت)۔ پر جانوراں نوں رب نے اپنی صورت تے نہیں بنایا۔ رب دی صورت تے پیدا ہون دا مطلب اے کہ بندہ رب وانگوں اے، روحانی خوبیاں دے نال، ذہن دے نال، جذبات تے مرضی دے تے موت مگروں وی حیاتی رہندی اے۔ جے پالتو جانور یاں جانور اک "روح" رکھدے نیں یاں غیر مادی شکل رکھدے نیں، ایس لئی ایہہ ضرور اک وکھرا تے لِسا "گُن" ہوئے گا۔ ایس فرق دا مطلب اے کہ پالتو جانور یاں جانوراں دیاں "روحاں" موت مگروں حیاتی نہیں رکھدیاں۔

اک ہور عنصر ایس سوال وچ گوہ کرن لئی اے کہ رب نے جانوراں نوں پیدا کیتا جیویں اوہنے مڈھ وچ تخلیق دے کم نوں کیتا۔ رب نے جانوراں نوں پیدا کیتا تے آکھیا کہ ایہہ چنگے نیں (پیدائش 1 باب 25 آیت)۔ ایس لئی ایتھے کوئی وجہ نہیں اے کہ کیویں اوتھے نویں دھرتی وچ جانور نہیں ہون گے (مکاشفہ 21 باب 1 آیت)۔ یسوع مسیح دی ہزار سالہ بادشاہت وچ اوتھے یقینی طور تے جانور ہون گے (یسعیاہ 11 باب 6 آیت؛ 65 باب 25 آیت)۔ ایہہ نہیں آکھیا جا سکدا کہ یقینی طور تے بھاویں اوہناں وچوں کجھ جانور ہو سکدا اے پالتو جانور جیہناں نوں اسیں ایس دھرتی تے رکھدے آں۔ اسیں ایہہ جان دے آں کہ اُکا رب ای جدوں اسیں اسمان تے جاواں گے تے اسیں اوہدے ہر فیصلے دے نال اک مت ہواں گے اوہ جو کجھ وی ہوئے۔

پنجابی دے مڈھلے صفحے تے جاؤ

کیہ پالتو جانور/ جانور اسمانی روحاں نیں؟ کیہ پالتوں جانور/ جانور روحاں رکھدے نیں؟