سوال: کیہ خدا اصل وچ اے؟ میں کیویں جان سکدا آں کہ خدا اصل وچ اے؟

جواب: اسیں جان دے آں کہ خدا اصل وچ اے کیونجے اوہ اپنے آپ نوں ساڈے اُتے تن راہواں توں ظاہر کردا اے: خلق کرن نال، اپنے کلام نال، تے اپنے پتر یسوع مسیح نال۔

سب توں بہتا مڈھلا ثبوت اُکا ایہہ کہ اوس نے جو کجھ بنایا۔ "کیونجے اوہدیاں ان دیکھیاں صفتاں یعنی اوہدی ازلی قدرت تے الوہیت دنیا دی پیدائش دے ویلے توں بنائیاں ہوئیاں شیواں راہیں معلوم ہو کے صاف نظر آؤندی اے ایتھوں تیکر کہ اوہناں نوں کجھ پج باقی نہیں" (رومیوں 1 باب 20 آیت)۔ "اسمان خدا دا جلال ظاہر کردا اے تے فضا اوہدی دستکاری وکھاؤندی اے" (19 زبور 1 آیت)۔

جے مینوں پیلیاں وچوں ہتھ تے بنھن والی گھڑی لبھدی اے، میں ایہہ نہیں مناں گا کہ ایہہ کِتوں باہروں "آئی" ہوئی اے یاں ایہہ پہلاں توں ای موجود سی۔ گھڑی دے خاکے دے مڈھ تے میں ایہہ گویڑ لاواں گا کہ ایہنوں کوئی بناؤن والا اے۔ پر جدوں میں بڑی کاریگری تے دنیا دے چاروں پاسے باقاعدگی نوں ویکھدا آں۔ ساڈے ویلے دی منتی ہتھ تے بنھن والی گھڑی دے سر تے نہیں، پر رب دی ستکاری۔ لگاتار دھرتی دے گھمن (اورسیزیم 133 ایٹم دی تابکاری دیاں خوبیاں)۔ کائنات اک بہت وڈا خاکہ ظاہر کردی اے، تے اک عظیم بناؤن والے دی دلیل دیندی اے۔

جے میں کوئی چھپیا ہویا لکھیا ہویا سنیہا پاؤناں تے میں ضرور کسے چھپی لکھت پڑھن والے دی مدد لواں گا۔ میرے وچار وچ ایس سنیہے نوں گھلن والا سیانا اے، جیہنے ایس چھپی ہوئی لکھت نوں لکھیا اے۔ ڈی این اے(DNA) اک اجہیا اوکھا "کوڈ" اے جیہنوں اسیں اپنے جثے دے ہر خلیئے وچ لئی پھرنے آں؟ کیہ ایہہ نا سمجھ وچ آؤن والے ڈی این اے کوڈ دا ٹیچا اک مصنف دی دلیل نہیں دیندا؟

رب نے ایس دنیا نوں اوکھا نہیں سگوں بہت چنگے ڈھنگ نال سجایا اے، اوہنے ہمیش دی حیاتی دی سمجھ نوں ہر انسان دے دل وچ نقش کر دتا اے (واعظ 3 باب 11 آیت)۔ بنی نوع انسان نوں پیدائشی طور تے ایس گل دی سمجھ اے کہ جتھے وی نظر جاندی اے اوتھے ای حیاتی اے، کہ ایس دھرتی دی حیاتی توں اُتے کوئی وجود اے۔ ساڈی ہمیش رہن دی حس صاف دسدی اے گھٹ توں گھٹ دو طریقے نیں: قانون بناؤنا تے عبادت۔

ہر وسیب یقیناً چنگے قانوناں دی مڈھوں ای قدر کردا اے، جیہڑے کہ حیران کن طور تے اکو جہے نیں وسیب توں وسیب۔ مثال دے طور تے، مثالی پیار دنیا وچ ہر تھاں تے چنگا لگدا اے، دغا بازی دے کم دی دنیا وچ ہر تھاں تے ملامت کیتی جاندی اے۔ ایہہ اکو جہے اخلاقی اصول۔ ایس دھرتی تے چنگے تے برے وچ اک مت نیں۔ سب توں چنگے نیک انسان نوں اسیں معمولی سمجھیا۔

انج ای دنیا دے سارے لوک وسیب توں بے خبر نیں، ہمیش توں عبادت دے طریقہ کار نوں سمجھدے نیں۔ عبادت دے ٹیچے بدلدے رہندے نیں، پر "وڈی طاقت" دی تمیز نہ ردے جان جوگ انساناں لئی اے۔ ساڈی عبادت لئی توجہ ایس لئی کہ خدا ساڈا خالق اے "اوہنے سانوں اپنی صورت تے بنایا اے" (پیدائش 1 باب 27 آیت)۔

رب آپ اپنے آپ نوں ساڈے تے ظاہر کردا اے اپنے کلام راہیں، کلام پاک۔ کلام دے شروع توں، رب اپنی ہوند بارے سانوں آپ سچے ثبوت دیندا اے (پیدائش 1 باب 1 آیت؛ خروج 3 باب 14 آیت)۔ جدوں بینجمن فرینکلن نے اپنی ہڈ بیتی لکھی، اوہنے اپنی ہوند نوں ثابت کرن دی کوشش وچ ویلا ضائع نہیں کیتا۔ ایس طرحاں رب نے اپنی کتاب وچ اپنی ہوند نوں ثابت کرن لئی بہتا ویلا نہیں لایا۔ کلام پاک وچ حیاتی نوں بدل دین دی قدرت اے، ایہدی مضبوطی تے معجزے جیہڑے ایہدے وچ نیں بہت نیں اک اُڈدی اُڈدی نظر لئی تے ایس گل لئی۔

تیجا طریقہ جیہدے نال رب اپنے آپ نوں ظاہر کردا اے اپنے پتر راہیں، یسوع مسیح (یوحنا 14 باب 6 توں 11 آیت)۔ "مڈھ وچ کلام سی تے کلام خدا دے نال سی تے کلام خدا سی۔۔۔ تے کلام مجسم ہویا تے فضل تے سچائی دے نال بھر کے ساڈے وچ رہیا" (یوحنا 1 باب 1 اتے 14 آیت)۔ یسوع مسیح وچ "کیونجے الوہیت دی ساری معموری اوہدے وچ مجسم ہو کے سکونت کردی اے" (کلسیوں 2 باب 9 آیت)۔

یسوع دی حیران کن حیاتی وچ، اوہنے پرانے عہد نامے دے قانوناں نوں پورے طور تے پورا کیتا تے مسیحا دے پاروں جیہڑیاں پیش گوئیاں سی اوہ پوریاں ہوئیاں (متی 5 باب 17 آیت)۔ اوہنے بہت سارے رب پرستی دے کم کیتے تے عوامی معجزے اوہدے سنیہیاں دی سچائی نوں ثابت کردے نیں تے اوہدی خدائی دے گواہ نیں (یوحنا 21 باب 24 تے 25)۔ فیر اوہدے مرن توں تن دن مگروں، اوہ مُردیاں وچوں جی اُٹھیا، ایس سچائی دے سو توں بہتے اکھیں دیکھن والے گواہ نیں (1۔کرنتھیوں 15 باب 6 آیت)۔ تاریخی "ثبوت" کثرت دے نال لکھے گئے نیں کہ یسوع کون اے۔ پولوس کہندا اے، "ایہہ گل کتے لُک کے نہیں ہوئی" (اعمال 26 باب 26 آیت)۔

اسیں محسوس کردے آں کہ ایتھے ہمیش توں ای بے ایمان لوک موجود نیں جیہڑے اپنے ذاتی وچار خدا دے پاروں رکھدے نیں جدوں کہ ثبوتاں نوں وی پڑھدے نیں۔ تے ایتھے کجھ اجہیے لوک وی نیں جیہڑے ثبوت توں بغیر ای قائل ہو جان گے (14 زبور1 آیت)۔ ایہہ سارا کجھ ایمان دی وجہ نال ہوندا اے (عبرانیوں 11 باب 6 آیت)۔

پنجابی دے مڈھلے صفحے تے جاؤ

کیہ خدا اصل وچ اے؟ میں کیویں جان سکدا آں کہ خدا اصل وچ اے؟