سوال: پاک روح کون اے؟

جواب: ایتھے پاک روح دیاں نشانیاں بارے بہت غلط رائے قائم نیں۔ کجھ دا خیال اے کہ پاک روح کوئی نظر نہ آؤن والی طاقت اے۔ دوجے سمجھدے نیں پاک روح بے جسم ربی طاقت اے جو مسیح دے منن والیاں دی مدد کردا اے۔ پاک روح دی پچھان بارے کلام پاک کیہ کہندا اے؟ کلام پاک کہندا اے کہ پاک روح رب اے۔ کلام پاک دسدا اے کہ پاک روح وی اک ہستی اے، اک سیانی مخلوق، جذبات تے اک ارادہ۔ اصل وچ پاک روح رب اے جیہڑا بہت سارے نوشتاں وچ نظر آؤندا اے جیویں اعمال 5 باب 3 تے 4 آیت۔

ایس آیت وچ پطرس نے حننیاہ نوں آکھیا کہ کیوں توں روح القدس دے نال جھوٹھ بولیا تے اوہنوں دسیا کہ اوہنے اُکا "بندیاں دے نال ای جھوٹھ نہیں بولیا سگوں رب دے نال"۔ ایہہ صاف اعلان سی کہ پاک روح دے نال جھوٹھ بولنا رب دے نال جھوٹھ بولنا اے۔ اسیں جان سکدے آں کہ پاک روح ای رب اے کیونجے اوہ رب دے کردار دیاں صفتاں رکھدا اے۔ مثال دے طور تے اصل وچ پاک روح ہر ویلے ہر تھاں تے موجود ہوندا اے 139 زبور7 تے 8 آیت وچ ویکھدے آں "میں تیری روح توں نس کے کتھے جاواں یاں تیری حضوری توں کدھر نساں؟ جے آسمان تے چڑھ جاواں تے توں اوتھے آں۔ جے میں پاتال وچ بستر وچھاواں تے توں ویکھ توں اوتھے وی ایں"۔ فیر1۔کرنتھیوں 2 باب 10 آیت وچ اسیں پاک روح نوں سب کجھ جانن والے دے کردار وچ ویکھدے آں۔ "پر ساڈے تے رب نے اوہناں نوں روح دے وسیلہ دے نال ظاہر کیتا اے کیونجے روح ساریاں گلاں سگوں رب دیاں تہہ دیاں گلاں وی لبھ لیندا اے ۔ کیونجے بندیاں وچ کون کسے بندے دیاں گلاں جان سکدے نیں سوائے بندے دی اپنی روح دے جیہڑی اوہدے وچ اے؟ ایس طرحاں رب دی روح دے سوا کوئی رب دیاں گلاں نہیں جاندا"۔

اسیں جان سکنے آں کہ پاک روح اصل وچ ایک ہستی اے کیونجے اوہ ذہن، جذبات تے ارادہ رکھدا اے۔ پاک روح جان دا تے وچار کردا اے (1۔ کرنتھیوں 2 باب 10 آیت)۔ پاک روح رنجیدہ ہوندا اے (افسیوں 4 باب 30 آیت)۔ روح ساڈی شفاعت کر دا اے (رومیوں 8 باب 26 تے 27 آیت)۔ پاک روح اپنی مرضی دے نال نیاں کردا اے (1۔ کرنتھیوں 12 باب 7 توں 11 آیت)۔ پاک روح رب اے، تثلیث دا تیجا "شخص" اے۔ جیویں رب، پاک روح اصل وچ تسلی دیندے نیں تے صلاح دین والے وانگوں کم کردا اے جیویں یسوع نے وعدہ کیتا سی کہ اوہ کرے گا (یوحنا 14 باب 16 آیت، 26 آیت؛ یوحنا 15 باب 26 آیت)۔

پنجابی دے مڈھلے صفحے تے جاؤ

پاک روح کون اے؟