سوال: کیہ مسیح دی خدائی کلام پاک وچوں اے؟

جواب: ہور یسوع دے اپنے آپ دے بارے وچ خاص دعوے، اوہدے شاگرداں نے مسیح دی خدائی نوں منیا۔ اوہناں نے اعلان کیتا سی کہ یسوع ای پاپ معاف کر سکدا سی۔ جو اُکا رب ای کرسکدا اے۔ جیویں رب، جو پاپ توں بیزار سی (اعمال 5 باب 31 آیت؛ کلسیوں 3 باب 13 آیت؛ 130 زبور 4 آیت؛ یرمیاہ 31 باب 34 آیت)۔ ایس اخیری دعوے دا نیڑلا سانگا اے، یسوع نے آپ آکھیا اے کہ اوہ "جیوندیاں تے مردیاں دی عدالت" کرے گا (2۔تیمتھیس 4 باب 1 آیت)۔ توما نے ہاک مار کے یسوع نوں آکھیا، "اے میرے خداوند اے میرے رب" (یوحنا 20 باب 28 آیت)۔ پولوس یسوع نوں، " عظیم خداوند تے مکتی داتا کہندا اے"(ططس 2 باب 13 آیت)، تے دسدا اے کہ یسوع انسان بنن توں پہلاں "رب دی صورت" وچ موجود سی (فلیپوں 2 باب 5 توں 8 آیت)۔ عبرانیوں دا لکھن والا یسوع بارے آکھدا اے "اے رب تیرا تخت ہمیش تیکر رہوئے گا" (عبرانیوں 1 باب 8 آیت)۔ یوحنا بیان کردا اے، "مڈھ وچ کلام سی، تے کلام رب دے نال سی تے کلام (یسوع) رب سی (یوحنا 1 باب 1 آیت)۔ کلام پاک وچ یسوع دی خدائی دی تعلیم دیاں مثالاں ان گنت نیں (دیکھو مکاشفہ 1 باب 17 آیت؛ 2 باب 8 آیت؛ 22 باب 13 آیت؛ 1۔کرنتھیوں 10 باب 4 آیت؛ 1۔پطرس2 باب 6 توں 8 آیت؛ 18 زبور 2 آیت؛ 95 زبور 1 آیت؛ 1۔پطرس5 باب 4 آیت؛ عبرانیوں 13 باب 20 آیت)، پر ایہناں وچوں اک ای بہت اے جیہڑی اوہدے شاگرداں دے مطابق مسیح دی خدائی نوں ظاہر کردی اے۔

یسوع نوں پرانے عہد وچ اک وکھرے ناں یہواوہ (رب دا رسمی ناں) دتا جاندا اے۔ پرانے عہد وچ خطاب "شافی" (130 زبور 7 آیت؛ ہوسیع 13 باب 14 آیت) یسوع لئی نویں عہد نامے وچ ورتیا گیا اے (ططس 2 باب 13 آیت؛ مکاشفہ 5 باب 9 آیت)۔ یسوع عمانوایل اکہواؤندا اے ("خدا ہمارے ساتھ" متی 1 باب)۔ زکریاہ 12 باب 10 آیت وچ اے یہواوہ اے جیہڑا کہندا اے، "اوہ اوس تے جیہنوں اوہناں نے ماریا ویکھن گے"۔ پر نویں عہد نامے وچ اے یسوع دی صلیب موت نال ملدی اے (یوحنا 19 باب 37 آیت؛ مکاشفہ 1 باب 7 آیت)۔ جے ایہہ یہواوہ اے جیہنوں اوہناں نے ماریا اے تے اوہنوں ویکھن گے، تے یسوع نوں ماریا تے ویکھیا، تے فیر یسوع یہواوہ اے۔ پولوس یسعیاہ 45 باب 22 اتے 23 آیت دی تشریح کردا اے جیویں یسوع نوں فلیپوں 2 باب 10 اتے 11 آیت وچ دسیا گیا اے۔ ہور یسوع دا ناں دعا وچ یہواوہ دے نال ورتیا گیا اے "رب باپ تے ساڈے خداوند یسوع مسیح ولوں تہانوں فضل تے تسلی ملدی رہوے" (گلتیوں 1 باب 3 آیت؛ افسیوں 1 باب 2 آیت)۔ ایہہ گستاخی ہووے گی جے یسوع خدا نہیں اے۔ یسوع ناں یہواوہ دے نال نظر آؤندا اے، جدوں یسوع نے بپتسمہ لیا "ناں وچ (واحد) اے پیو تے پتر تے پاک روح" (متی 28 باب 19 آیت)؛ ویکھو 2 کرنتھیوں 13 باب 14 آیت۔ مکاشفہ وچ یوحنا کہندا اے ساری مخلوق یسوع (برا) دی تعریف کیتی۔ پس یسوع خلق دا حصہ نہیں (مکاشفہ 5 باب 13 آیت)۔

جیہڑے کم رب نے پورے کیتے اوہ سارے یسوع دی وجہ نال نیں۔ یسوع صرف مردیاں وچوں جیوندا ای نہیں ہویا (یوحنا 5 باب 21 آیت؛ یوحنا 11 باب 38 توں 44 آیت)، تے پاپاں نوں معاف کیتا (اعمال 5 باب 31 آیت؛ اعمال 13 باب 38 آیت)، اوہنے کائنات نوں بنایا تے قائم رکھیا اے (یوحنا 1 باب 2 آیت؛ کلسیوں 1 باب 16 تے 17 آیت) ایہہ نکتہ ہور وی پکا ہو جاندا اے جدوں کوئی ایہہ وچار کردا اے کہ یہواوہ نے کہیا کہ اوہنے اکلے نے کائنات نوں بنایا اے (یسعیاہ 44 باب 24 آیت)۔ ہور مسیح وچ اجہیاں صفتاں نیں جیہڑیاں اُکا رب وچ ای نیں: ہمیش رہن والا (یوحنا 8 باب 58 آیت)، ہر تھاں تے موجود رہن والا (متی 18 باب 20 آیت؛ متی 28 باب 20 آیت)، سارا کجھ جانن والا (متی 16 باب 21 آیت)، قادرِ مطلق (یوحنا 11 باب 38 توں 44 آیت)۔

ہن کوئی اک رب ہون دا دعویٰ کردا اے یاں کسے نوں بیوقوف بناؤندا اے کہ اوہ اوہدے تے یقین کرے، تے کسے ہور شے توں اڈ پورے طور تے ایہ ثابت ہووے کہ ایہہ انج ای اے۔ مسیح بہت سارے معجزیاں دے نال ایس گل نوں ثابت کردا اے تے رب ہون دا دعویٰ کردا اے تے ایتھوں تک کہ اوہ مردیاں وچوں جی اُٹھایا۔ یسوع دے کجھ معجزے جیویں، پانی دا مے بن جانا (یوحنا 2 باب 7 آیت)، پانی تے تُرنا (متی 14 باب 25 آیت)، مادی شیواں نوں بہتا کرنا (یوحنا 6 باب 11 آیت)، انھیاں نوں اکھاں دینا (یوحنا 9 باب 7 آیت)، لنگڑیاں نوں تورنا (مرقس 2 باب 3 آیت)، تے روگیاں نوں شفا دینا (متی 9 باب 35 آیت؛ مرقس 1 باب 40 توں 42 آیت)، تے ایتھوں تیکر کہ مردیاں نوں جیوندا کرنا (یوحنا 11 باب 43 توں 44 آیت؛ لوقا 7 باب 11 توں 15 آیت؛ مرقس 5 باب 35 آیت)۔

ہور ایہہ کہ، مسیح آپ مُردیاں وچوں جی اُٹھیا۔ ناں دے مرے ہوئیاں توں دور تے نویں بتاں دے قصے کہانیاں، دوجی واری بارے دوجے مذہب بڑی گمبھیرتا دے نال دسدے نیں۔ تے دوجے کسے دعویٰ دی کلام پاک دے مطابق تصدیق وی نہیں ہوندی۔ ڈاکٹر گیرے ہبرمس دے مطابق، ایتھے گھٹ توں گھٹ باراں (12) پرانیاں سچائیاں نیں جیہناں نوں غیر مسیحی نکھیدی کرن والے عالم وی من دے نیں:

پہلا ۔۔ یسوع دی صلیبی موت
دوجا ۔۔ اوہنوں دفنایا گیا
تیجا ۔۔ اوہدی موت شاگرداں لئی مایوسی تے ناامیدی دی وجہ بنی
چوتھا ۔۔ یسوع دی قبر کجھ دیہاڑیاں مگروں (ویہلی پائی گئی) سی
پنجواں ۔۔ شاگرد یقین رکھدے سن کہ اوہناں نے جی اُٹھے یسوع نوں کئی واری ویکھیا
چھیواں ۔۔ ایہدے مگروں شاگرد شک کرن والیاں توں بدل کے بے خوف ایماندار بن گئے
ستواں ۔۔ ایہہ سنیہا مڈھ دی کلیسیا دے پرچار دا مرکز سی
اٹھواں ۔۔ ایس سنیہے دا پرچار یروشیلم وچ ہویا
نوواں ۔۔ ایس پرچار دے سٹے وچ کلیسیا پیدا ہوئی تے ودھی
دسواں ۔۔ جی اُٹھن والے دیہاڑا، اتوار، سبت وچ بدل گیا (ہفتہ) جیہڑا پہلاں عبادت دا دن سی
گیارہواں ۔۔ یعقوب اک شکی، اوس ویلے بدلیا جدوں اوہنے یسوع نوں مُردیاں وچوں جیوندا ہویا ویکھیا تے یقین کیتا
بارہواں ۔۔ پولوس مسیحیت دا ویری اوس ویلے بدلیا جدوں اوہنے جیوندے ہوئے مسیح دے دیدار دا تجربہ کیتا

جے کجھ لوک ایس لسٹ دے کماں نوں رد دے نیں، اُکا کجھ لوکاں نوں مُردیاں وچوں جیوندے ہون دے ثبوت دی لوڑ اے تے کلام نوں قائم کرنا: یسوع دی موت، دفنایا جانا، مردیاں وچوں جیوندا ہونا تے فیر نظر آؤنا (1۔کرنتھیوں 15 باب 1 توں 5 آیت)۔ جدوں کہ ایتھے کجھ نظریات دتے گئے نیں اُتے دتی ہوئی سچائی دے پاروں میں چھڑا مُردیاں وچوں جی اُٹھن دا ای بیان کرنا آں تے ایہو سب دا اکو جواب اے۔ نکھیدی کرن والے من دے نیں کہ شاگرداں نے دعویٰ کیتا کہ اوہناں نے جیوندے ہوئے مسیح نوں ویکھیا اے۔ نہ کوئی جھوٹ تے نہ ای نظر دا دھوکھا لوکاں نوں بدل دا اے پر جیویں مُردیاں وچوں جیوندا ہون نال ہویا۔ پہلا اوہ کیہ حاصل کرسکدے سن؟ مسیحیت مشہور نہ ہو سکدی سی تے ایہدے نال اوہ پیسے وی نہیں کما سکدے سن۔ دوجے جھوٹے لوک شہید نہیں بن دے۔ ایتھے مردیاں وچوں جیوندے ہون دے اڈ کوئی ہور بیان نہیں کہ شاگرد اپنے ایمان لئی اپنی مرضی دے نال اینی تسیہے بھری موت مرن لئی تیار سی۔ ہاں بہت سارے لوک جھوٹھیاں لئی مرے کیونجے اوہ سمجھدے سن کہ اوہ مسیح اے، پر کوئی ایس لئی نہیں مریا کہ جو کجھ اوہ جاندے نیں اوہ سچ نہیں۔

ایہدے سٹے وچ: مسیح نے دعویٰ کیتا کہ اوہ یہواوہ سی، اوہ رب سی (نا صرف "اک رب "۔ سگوں سچا رب)، اوہدے منن والے (جیہناں نوں یہودیاں نے اپنی جوش دے نال بھری محبت دے نال ڈرایا سی) اوہدے تے یقین رکھدے سن تے اوہنوں انج ای من دے سن۔ مسیح نے اپنے رب ہون دے دعوے نوں ثابت کیتا معجزیاں دے نال جیہدے وچ جگ نوں بدلن لئی مُردیاں وچوں جیوندا ہونا وی رلتی اے۔ کوئی دوجا نظریہ ایہناں سچائیاں نوں بیان نہیں کر سکدا۔

پنجابی دے مڈھلے صفحے تے جاؤ

کیہ مسیح دی خدائی کلام پاک وچوں اے؟