سوال: جے میں مسیحیت نوں قبول کردا آں، میرا ٹبر مینوں قبول نہیں کرے گا تے میرے وسیب دے لوک مینوں بڑے تسیہے دین گے۔ میں کیہ کراں؟

جواب: جے میں مسیحیت نوں قبول کردا آں، میرا ٹبر مینوں قبول نہیں کرے گا تے میرے وسیب دے لوک مینوں بڑے تسیہے دین گے۔ میں کیہ کراں؟

جواب: ایہہ ایمانداراں لئی بہت اوکھا اے جیہڑے اجیہاں قوماں وچ رہندے نیں جتھے وسیب وچ مذہبی مڈھ پرستی دی آزادی اے، مسیحیت دی پیروی دے مُل نوں پورے طور تے سمجھنا دنیا دے دوجے حصیاں وانگوں۔ کلام پاک ایہدے مگروں وی رب دا کلام اے تے انج ای اے، ایہہ پورا اے تے حیاتی دیاں ساریاں آزمائشاں تے مصیبتاں نوں سمجھن وچ، ویلے تے جگہ توں پرانہہ اے۔ یسوع نے صاف آکھیا کہ اوہدی پیروی کرنا بہت اوکھا کم اے۔ اصل وچ ایہہ ساڈے لئی ہر شے دا مُل اے۔ یسوع نے لوکاں نو دسیا کہ کون میرے پچھے آسکدا اے "جے کوئی میرے پچھے آؤنا چاہوندا اے تے اپنی خودی دا انکار کرے تے صلیب چکے تے میرے پچھے آئے" (مرقس 8 باب 34 آیت)۔ صلیب موت دا ہتھیار سی تے یسوع نے صاف دسیا اے کہ اوہدی پیروی کرن دا مطلب اے کہ اپنے آپ نوں مارنا۔ ساڈیاں ساریاں دنیاوی سدھراں تے ہوس نوں ماریا جائے بس فیر اسیں اوہدے وچ نویں حیاتی پاؤنے آں، کوئی وی دو مالکاں دی خدمت نہیں کر سکدا (لوقا 16 باب 13 آیت)۔ پر نویں حیاتی بہت وکھری تے بہت ودھ اے کسے وی شے توں جیہڑی اسیں دنیا وچ حاصل کرسکنے آں۔

دوجا ایہہ ساڈے ٹبر دے یاراں لئی وی بھاری ہو سکدا اے۔ یسوع نے متی 10 باب 32 توں 39 آیت وچ صاف آکھیا اے کہ اوہدے آؤن نال اوہدے پیروکاراں نوں اپنے ٹبراں نوں چھڈنا پوے گا، پر ہر کوئی جیہڑا نفرت نہ کرے (گھٹ پیار کرن والا) اوہدا ٹبر اوہدے پیروکار لئی ضروری نہیں ہونا چاہیدا۔ جے اسیں مسیح نوں رد کردے تے اپنے دنیاوی ٹبر وچ امن رکھدے آں تے اوہ سانوں آسمان تے رد کرے گا تے جے یسوع سانوں رد کرے گا تے سانوں جنت وچ جان توں رد کیتا جاوے گا۔ جے اسیں اوہدا اقرار لوکاں دے ساہمنے کردے آں، ایس توں ہٹ کے کہ سانوں ایہدا کیہ مُل تارنا پوے گا، اوہ اپنے پیو نوں کہے گا،" ایہہ میرا اے۔ ایہنوں اپنی بادشاہی وچ قبول کرو"۔ ہمیش دی حیاتی "قیمتی موتی" اے متی 13 باب 44 تے 45 آیت جیہڑی ہر اوس قیمتی شے توں ودھ کے اے جیہڑی ساڈے کول اے۔ ایہہ چنگا نہیں کہ اپنی تھوڑی جہی تے مُک جان والی حیاتی نوں رکھیا جائے تے ہمیشگی نوں گوا دتا جائے۔ "تے بندہ جے ساری دنیا نوں حاصل کرے تے اپنی جان دا نقصان چُکے تے اوہنوں کیہ لابھ ہوئے گا؟ "(مرقس 8 باب 36 آیت)۔ جیویں جم ایلیٹ، اک مشنری ہورانیی انڈیانا ایکواڈور وچ مسیح دا پرچار کردے ہوئے قتل ہویا کہندا اے، "کوئی ایہو جہیا بیوقوف نہیں جیہڑا اوہ دیندا اے جیدے نال اوہ کجھ پا نہیں سکدا ایس لئی کہ اوہ کجھ گوا نہیں سکدا"۔

یسوع نے آپ تکلیفاں نوں صاف دسیا اے جو اوہدے نال ہونیاں سن۔ اوہ سانوں قبول کرن لئی حوصلہ دیندا اے، ایہہ اوہدے شاگرداں لئی نکی جہی گل سی، تے اوہ تکلیفاں وچ امید نال بھرے تے خوش رہندے سن۔ اوہ ستائے جان والیاں نوں "مبارک" کہندا تے سانوں دسدا اے "خوشی کرنا تے بہت شادمان ہونا کیونجے آسمان تے تہاڈا اجر بہت اے" (متی 5 باب 10 توں 12 آیت)۔ اوہ سانوں یاد دواؤندا اے کہ اوہدے لوک ہمیش ستائے جاندے رہے نیں۔ پرانے عہد نامے دے نبیاں نوں ستایا گیا، برا بھلا کیتا گیا، ماریا کٹیا گیا، قتل کیتا گیا تے اک واری تے وچکاروں چیر دتا گیا (عبرانیوں 11 باب 37 آیت)۔ سارے رسولاں (سوائے یوحنا دے جیہنوں پتمس دے جزیرے وچ دیس نکالا دتا گیا سی) تے مسیح دا پرچار کرن دی وجہ نال تکلیفاں دتاں گئیاں۔ روایت دسدی اے کہ پطرس نوں الٹا مصلوب کیتا گیا سی کیونجے اوہ اپنے آپ نوں ایس لائق نہیں سمجھدا سی کہ اوہ رب وانگوں سولی چاڑھیا جائے۔ ہن اوہ اپنے پہلی چٹھی وچ لکھد اے "جے مسیح دے ناں دے سببوں تہاڈی ملامت کیتی جاندی اے تے تسیں مبارک او کیونجے جلال دا روح یعنی رب دی روح تہاڈے تے چھاں کردی اے (1۔پطرس 4 باب 14 آیت)۔ پولوس رسول بندی خانے وچ بند سی، اوہنوں بہت واری مسیح دی تبلغ کرن دی وجہ توں ماریا کٹیا تے پتھر مارے گئے، پر اوہنے اپنے دکھاں نوں ایس لائق نہیں جانیا کہ جیہڑا جلال اوہ حاصل کرن نوں اے اوہدے نال اوہدا موازنہ وی کیتا جائے (رومیوں 8 باب 18 آیت)۔

جد کہ شاگرد بنن دا مُل بہتا جاپدا اے، ایتھے دھرتی تے اجر وی اے تے اسمان تے وی۔ یسوع نے وعدہ کیتا اے کہ اوہ ہمیش ساڈے نال رہے گا، دنیا دے اخیر تیکر (متی 28 باب 20 آیت)؛ اوہ کدی سانوں نہیں چھڈے گا تے کدی وی نہیں بُھلے گا (عبرانیوں 13 باب 5 آیت)؛ اوہ ساڈے دکھ درد نوں جان دا اے، اوہنے آپ ساڈے لئی دکھ سہے (1۔پطرس 2 باب 21 آیت)؛ اوہدے پیار دی ساڈے لئی کوئی حد نہیں، تے اوہ سانوں اجیہی آزمائش وچ وی نہیں پین دیندا جیہڑی ساڈی برداشت توں باہر ہووے ایتھوں تیکر کہ آزمائش وچوں نکلن دے راہ وی وکھاؤندا اے (1۔کرنتھیوں 10 باب 13 آیت)۔

جدوں اسیں اپنے ٹبر وچ یا اپنی رہتل وچ پہلے ہوئیے جیہناں نے مسیح نوں قبول کیتا اے، تے اسیں رب دے ٹبر دا حصہ بن جاندے آں تے اسیں اوہدے بلارے بن جانے آں جنے ساڈے نال تے دنیا دے نال پیار کیتا اے۔ انج اسیں اوہدے آلہ کار بن جانے آں کہ دوجیاں نوں اوہدے ول لے کے آئیے، سانوں ہر شے وچ کامیابی ملدی اے جیہڑی اسیں کدی سوچی وی نہیں سی۔

پنجابی دے مڈھلے صفحے تے جاؤ

جے میں مسیحیت نوں قبول کردا آں، میرا ٹبر مینوں قبول نہیں کرے گا تے میرے وسیب دے لوک مینوں بڑے تسیہے دین گے۔ میں کیہ کراں؟