سوال: مسیحی کیہ ہے

جواب: شبد کوش (لغت) وچ مسیحی دی تعریف کجھ اجیہے لفظاں نال کیتی گئی ہے "اک اجہیا بنده جیہڑا یسوع تے ایمان دا وکھالا كردا ہے بئی اوه مسیح ہے یاں اجیہا مذہب جیہدی نینہہ یسوع دی تعلیم تے ہے"۔ جدوں كہ سمجھن لئی ایہہ اک چنگا نقطه ہے بئی مسیحی كیه ہے، جیویں کئی لغتی تعریفاں ہین، ایہہ مسیحی ہون دا کیہ مطلب ہے بارے پاک کلام دا سچ اصلی معنیاں وچ اپڑاؤن توں تھڑ جاندیاں ہین۔ لفظ "مسیحی" نویں عہدے نامے وچ تن واری ورتیا گیا ہے (اعمال باب 11 آیت 26؛ باب 26 آیت 28؛ 1 پطرس باب 4 آیت 16)۔ یسوع مسیح دے منن والیاں نوں پہلاں انطاکیہ (اعمال باب 11 آیت 26) وچ "مسیحی" آکھیا گیا کیوں جے اوہناں دا ورتارا، کم کاج، اتے بول چال مسیح ورگا سی۔ لفظ "مسیحی" دا لفظی معنی ہے، "مسیح دی جماعت توں" یا "مسیح دا منن والا۔"

بدقسمتی بئی ویلا لنگھن دے نال، لفظ "مسیحی" نے اپنی اچیچتا دا اک وڈا انگ گنوا دتا اتے اکثر کسے ایسے بندے لئی ورتیا جاندا ہے جیہڑا مذہبی ہوئے یا اُچیاں اخلاقی قدراں رکھدا ہوئے پر اوہ یسوع مسیح دا سچا منن والا ہو وی سکدا ہے اتے نہیں وی ہو سکدا۔ بہت سارے لوک جیہڑے یسوع مسیح تے ایمان نہیں رکھدے اتے اوہدے تے بھروسہ نہیں کردے اپنے آپ نوں مسیحی اُکا ایس پاروں سمجھدے ہین بئی اوہ گرجے جاندے ہین یاں اوہ اک "مسیحی" قوم وچ وسدے ہین۔ پر گرجے جانا، اپنے توں ماڑے بندے دی سیوا کرنا، یاں اک چنگا جی بننا تہانوں مسیحی نہیں بنا دیندا۔ گرجے جان نال تسیں مسیحی نہیں بن جاندے جویں گیراج وچ جان نال تسیں مستری بن جاندے ہو۔ گرجے دا اک ممبر ہون دے پاروں، باقاعدگی نال دعاواں وچ رلتی ہون نال، اتے چرچ دی سیوا دے کم کرن نال تسیں مسیحی نہیں بن جاندے۔

پاک کلام سانوں سکھاؤندا ہے بئی اسیں جیہڑے چنگے عمل کردے ہاں اوہ سانوں رب دی جناب وچ قبولن جوگ نہیں بنا دیندے۔ ططس باب 3 آیت 5 کہندی ہے، "اوہنے سانوں مُکتی دتی، ساڈے کیتے چنگے کرماں پاروں نہیں، سگوں اپنی رحمت پاروں۔ اوہنے سانوں نویں جنم دا غسل دت کے اپنے پاک روح راہیں نواں بنا دتا۔" ایس لئی، مسیحی اوہ ہے جیہنوں رب نے مُڑ جیوایا ہے (یوحنا باب 3 آیت 3؛ یوحنا باب 3 آیت 7؛ 1 پطرس باب 1 آیت 23) اتے جیہنے ایمان لیاندا اتے جیہڑا یسوع مسیح تے بھروسہ کردا ہے۔ افسیوں باب2 آیت 8 سانوں ایہہ دسدی ہے بئی "۔۔۔ مہر دے نال تہانوں مُکت کر دتا گیا ہے، ایمان راہیں – اتے ایہہ تہاڈے اپنے ولوں نہیں، ایہہ رب ولوں سوغات ہے۔"

اک سچا مسیحی اوہ بندہ ہے جیہنے یسوع مسیح دی ذات اتے اوہدے کم تے ایمان رکھیا اتے بھروسہ کیتا، سنے پاپاں دے کفارے لئی صلیب اُتے اوہدی موت اتے تیجے دن اوہدے مردیاں وچوں جی اُٹھن تے۔ یوحنا باب 1 آیت 12 سانوں دسدی ہے، "پر جِنیاں نے اوہنوں قبول کیتا، رب نے اوہناں نوں ایہہ حق بخشیا بئی اوہ رب دے فرزند بنن یعنی اوہناں نوں جیہڑے اوہدے تے ایمان لیائے۔" اک سچے مسیحی دی نشانی دوجیاں نال پیار اتے رب دے کلام دی تابعداری ہے (1 یوحنا باب2 آیت 4 تے 10)۔ اک سچا مسیحی اصل وچ رب دا بچہ ہے، تے رب دے سچے ٹبر دا جی ہے، تے اوہ جیہنوں مسیح دے وچ اک نویں حیاتی دتی گئی ہے۔

جو کجھ تسیں ایتھے پڑھیا ہے اوہدے پاروں کیہ تسیں مسیح لئی کوئی فیصلہ کر لیا ہے؟ جے انج ہے، مہربانی کرکے ہیٹھاں "میں اج مسیح نوں قبول کیتا" دے بٹن تے کلک کرو۔

پنجابی دے مڈھلے صفحے تے جاؤ

مسیحی کیہ ہے