سوال: رومیوں کیویں مکتی دا راہ اے؟

جواب: رومیوں مکتی دا اک اجہیا راہ اے جیہدے وچ کلام پاک دی کتاب رومیوں دے ناں دیاں آیتاں نوں ورتدیاں مکتی دی خوشخبری نوں ونڈیا جاندا اے۔ ایہہ سادہ تے حالے تیکر دا بیان کرن دا ودھیا ڈھنگ اے کہ سانوں مکتی دی کیوں لوڑ اے، رب کیویں مکتی دیندا اے، اسیں کیویں مکت ہو سکنے آں، تے مکتی دا پھل کیہ اے۔

پہلی آیت رومیوں مکتی دا راہ وچوں اے رومیوں 3 باب 23 آیت، "ایس لئی کہ ساریاں نے پاپ کیتا تے رب دے جلال توں وانجھے نیں"۔ اسیں سارے اجیہے کم کرنے آں جہیڑے رب نوں دُکھ دیندے نیں۔ ایتھے کوئی بے گناہ نہیں۔ رومیوں 3 باب 10 توں 18 آیت اک صاف تصویر وکھاؤندی اے کہ پاپ ساڈی حیاتی وچوں کیویں وکھالی دیندا اے۔ دوجا حوالہ جہیڑا رومیوں مکتی دا راہ وچوں اے، رومیوں 6 باب 23 آیت، پاپ دی اخیر دے بارے دس پاؤندا اے۔ "کیونجے پاپ دی کمائی موت اے؛ پر رب دی بخشش ساڈے رب مسیح یسوع وچ ہمیش دی حیاتی اے"۔ سزا جہیڑی اسیں اپنے پاپاں دے نال کماؤنے آں اوہ موت اے۔ ایہہ اُکا جثے دی موت نہیں، سگوں ہمیش دی موت اے۔

تیجی آیت جہیڑی رومیوں مکتی دے راہ وچوں اے رومیو ں 6 باب 23 آیت توں لئی گئی اے ایس گل تے مُکدی اے، "پر رب دی بخشش ساڈے رب مسیح یسوع وچ ہمیش دی حیاتی اے"۔ رومیوں 5 باب 8 آیت اعلان کردی اے، "پر رب اپنی محبت دا گُن ساڈے اُتے ایویں ظاہر کردا اے کہ جدوں اسیں پاپی ای سی تے مسیح ساڈے لئی مریا" یسوع دی موت نے ساڈے پاپاں دا مُل تاریا۔ یسوع دا مُردیاں وچوں جی اُٹھنا ثابت کردا اے کہ رب نے یسوع دی موت نوں ساڈے پاپاں دے مُل لئی قبول کیتا۔

چوتھا مِیل پتھر رومیوں مکتی دے راہ وچوں اے رومیوں 10 باب 9 آیت، "کہ جے توں اپنی زبان توں یسوع دے رب ہون دا اقرار کریں تے اپنے دل توں ایمان لیائیں کہ رب نے اوہنوں مُردیاں وچوں جلایا اے تے توں مکتی پاویں گا"۔ کیونجے یسوع ساڈی تھاں تے مریا، سانوں ساریاں نوں چاہیدا اے کہ اوہدے تے یقین رکھیئے کہ اوہنے ساڈے پاپاں دا مُل تاریا اے۔ تے اسیں سارے مکتی پاواں گے رومیوں 10 باب 13 آیت وچ فیر کہندا اے، "کیونجے جہیڑا وی رب دا ناں لوے گا مکتی پاوے گا"۔ یسوع نے مر کے ساڈے پاپاں دا جرمانہ دتا تے سانوں ہمیش دی موت توں بچا لیا۔ مکتی، پاپاں دی معافی، ہر کسے لئی موجود اے جیہڑا یسوع مسیح نوں اپنا رب تے مکتی داتا منن دا یقین کرے گا۔

رومیوں مکتی دے راہ دا اخیری رخ اے مکتی دا وسیلہ۔ رومیوں 5 باب 1 آیت بہت ای وکھرا سنیہا دیندی اے، "بس جدوں اسیں ایمان دے نال راستباز ٹھہردے آں تے رب دے نال اپنے رب یسوع مسیح دے وسیلہ صلح رکھیئے"۔ یسوع مسیح راہیں اسیں رب دے نال امن دا سانگا رکھ سکنے آں۔ رومیوں 8 باب 1 آیت سانوں دسدی اے، "بس ہن جیہڑے مسیح یسوع وچ نیں اوہناں تے سزا دا حکم نہیں"۔ کیونجے یسوع دی موت ساڈے لئی اے، اسیں اپنے پاپاں دی وجہ توں کدی وی سزا نہیں پاواں گے۔ اخیری، اسیں ایہہ انمُلا وعدہ رکھنے آں رومیوں 8 باب 38 توں 39 آیت، "کیونجے مینوں یقین اے کہ رب دی جیہڑی محبت ساڈے رب یسوع مسیح وچ اے اوہدے وچوں سانوں نہ موت وکھ کر سکے گی نہ حیاتی، نہ فرشتے نہ حکومتاں۔ نہ حال نہ استقبال دیاں شیواں۔ نہ قدرتاں نہ نیواناں نہ کوئی ہور مخلوق"۔

کیہ تسی پسند کرو گے کہ تسیں رومیوں مکتی دے راہ دی پیروی کرو؟ جے ایویں اے، ایتھے اک سادہ جہی دعا اے۔ یاد رکھو، ایس دعا نوں پڑھن یاں کسے ہور دعا نوں پڑھن نال تہانوں مکتی نہیں مل سکدی ۔ اُکا مسیح تے ایمان لیاؤ اوہ تہانوں تہاڈے پاپاں توں مکتی دے سکدا اے۔ ایہہ دعا سادہ جہیا اک رستہ اے رب دے نال تہاڈے ایمان دے اظہار دا تے اوہدا شکر کرو کہ اوہنے تہانوں مکتی دتی اے۔ "ربا! میں جاننا کہ میں تیرے خلاف پاپ کیتا اے تے میں سزا دا حقدار آں۔ پر جیہڑی سزا دا میں حقدار سی یسوع مسیح نے اوہ سزا اپنے اُتے لے لئی بس اوہدے تے ایمان نال میں معافی پا لئی اے۔ میں اپنے پاپاں توں دور رہواں گا تے اپنا ایمان تیرے تے رکھاں گا اپنی مکتی لئی۔ میں شکر کرنا تیرے اجہے فضل تے بخشش دا۔ جہیڑا ہمیش دی حیاتی دا تحفہ اے آمین"۔

جو کجھ تسیں ایتھے پڑھیا ہے اوہدے پاروں کیہ تسیں مسیح لئی کوئی فیصلہ کر لیا ہے؟ جے انج ہے، مہربانی کرکے ہیٹھاں "میں اج مسیح نوں قبول کیتا" دے بٹن تے کلک کرو۔

پنجابی دے مڈھلے صفحے تے جاؤ

رومیوں کیویں مکتی دا راہ اے؟