سوال: میرے لئی کیہڑا مذہب چنگا اے؟
جواب:
چٹ پٹے تے مصالحے دار کھانے بناؤن والے ہوٹل سانوں ساڈی پسند دیاں شیواں کھان لئی دسدے نیں۔ بنی بنائی کافی دیاں وڈیاں دکاناں بڑے مان نال سو طرحاں دے سواد تے وکھری وکھری قسم دیاں کافیاں بناؤندیاں نیں۔ جدوں مکاناں تے کاراں دی خرید کیتی جائے تے اسیں اوہدے ہر طرحاں دیے گُناں دی پرکھ کردے آں جیہڑی شے سانوں چاہیدی اے۔ اسیں چاکلیٹ، ونیلا تے سٹرابری دی ایس دنیا وچ بہت چراں تیکر جیوندے نہیں رہندے۔ پسند اک مالک وانگوں اے تسیں اپنی پسند تے لوڑ مطابق ہر شے حاصل کرنا چاہوندے او۔
فیر مذہب بارے کیہ جیہڑا صرف تہاڈے لئی چنگا ہووے؟ اجیہا کوئی مذہب اے جیہڑا پچھتاوے توں پاک ہوئے، کوئی منگ وی نہ کرے، بہت تکلیف نہ دیندا ہوئے تے بہتی روک ٹوک وی نہ کرے تے نہ ای اوہدے قانون بہتے اوکھے ہون۔ ایہہ ساڈے آسے پاسے موجود نیں جیویں کہ میں پہلے دسیا اے، پر کیہ مذہب انج ای اے جیویں تسیں اپنی پسند دی آئسکریم نوں پسند کردے او؟
ساڈے آسے پاسے بہت ساریاں آوازاں نیں جیہڑیاں ساڈا دھیان چاہوندیاں نیں، تے فیر کیوں کوئی یسوع نوں ای ایہناں وچوں اُچا جانے، جیویں محمد یا کنفوشس، گوتم بدھ یا چارلیس تزہ رسل یا جوزف سمتھ؟ فیر وی ایہہ ساریاں راہواں آسمان تیکر نہیں لے کے جاندیاں؟ کیہ سارے مذہب اصل وچ اکو جیہے نہیں؟ سچائی ایہہ اے کہ سارے مذہب اسمان تیکر نہیں لے کے جاندے جیویں ساریاں سڑکاں انڈیانا نہیں لے کے جاندیاں۔
اُکا یسوع ای خدا دے اختیار دے نال کہندے نیں کیونجے اُکا یسوع نے موت تے فتح پائی اے۔ محمد، کنفوشس تے دوجے پہلے دن توں ای اپنیاں قبراں وچ سڑ گئے، پر یسوع، اپنی طاقت تے زور دے نال، رومیاں دے ہتھوں بے رحم صیلبی موت دے تین دن مگروں وی قبر توں باہر آ گئے۔ انج کوئی وی اپنی طاقت دے نال موت تے فتح پائے تے اوہ ساڈا دھیان اپنے ول کھچ لیندا اے۔ جیہڑا وی اپنی طاقت دے زور نال موت تے فتح پائے ضروری اے کہ اوہدی گل وی سنی جائے۔
یسوع دا مُردیاں وچوں جی اُٹھنا بہت وڈا ثبوت اے۔ پہلا، یسوع دے فیر جی اُٹھن دے پنج سو توں وی بہتے گواہ نیں ایہناں گواہاں دی اک بہت وڈی گنتی اے۔ پنج سو آوازاں نوں اکھوں پروکھے نہیں کیتا جا سکدا۔ اوتھے نال ای خالی قبر وی اک ثبوت اے؛ یسوع دے مخالف اوہدے مُردیاں وچوں جی اُٹھن دی گل نوں بہت سوکھت نال روک سکدے نیں اوہدے مردہ جثے نوں لوکاں ساہمنے لیا کے، مرن والا جثہ، پر اوہناں نوں اوتھے کوئی جثہ نہ ملیا قبر خالی سی کیہ رسولاں نے اوہدا جثہ چوری کرلیا؟ بہت اوکھا اے۔ ایس طرحاں دی حادثاتی واپری توں بچن لئی، یسوع دی قبر تے ہتھیار بند سپاہیاں دا سخت پہرہ لگا ہویا سی۔ اوہدے نیڑلے شاگرداں تے اوہناں دی نظر سی تے اوہ اوہدے پھڑے جان اتے صلیب تے جان توں پہلاں ایہہ اوتھوں نس گئے سن، ایہہ ہو ای نہیں سکدا کہ اوہ پریشان تے ڈرے ہوئے مچھیریاں دا ٹولہ سکھے ہوئے سپاہیاں دے نال لڑن لئی چلے گئے ہون گے۔ سادہ جہی حقیقت اے کہ یسوع دا مُردیاں وچوں جی اُٹھن نوں وکھرا کرکے سمجھایا نہیں جا سکدا۔
فیر، جیہڑا کوئی وی اپنی طاقت دے زور نال موت تے فتح پائے ضروری اے کہ اوہدی سنی جاوے۔ یسوع نے اپنی طاقت موت تے ثابت کیتی، ایس لئی، سانوں سنن دے لوڑ اے کہ اوہ کیہ کہندا اے۔ یسوع اعلان کردا اے کہ اوہ ای مکتی دا اکو راہ اے (یوحنا 14 باب 6 آیت)۔ اوہ اک راہ نہیں؛ اوہ بہت سارے راہواں وچوں اک نہیں، پر یسوع ای رستہ اے۔ تے ایہو یسوع کہندا اے، "اے محنت کرن والیو تے بھار ہیٹھاں دبے ہوئے لوکو، سارے میرے کول آؤ۔ میں تہانوں آرام دیاواں گا" (متی 11 باب 28 آیت)۔
دنیا ظالم اے تے حیاتی بڑی اوکھی اے۔ ساڈے وچوں بہت سارے لہو لہان، چوٹ کھاہدے ہوئے تے لڑیاں دے نال داغ دار نیں۔ تسیں من دے او؟ فیر تسیں کیہ چاہندے او؟ بحالی یاں اُکا مذہب؟ اک جیوندا مکتی داتا یاں بہت سارے مرے ہوئے "بنیاں" وچوں اک؟ اک با معنی ساک یاں اک فانی سانگا؟ یسوع اک پسند نہیں۔ یسوع ای پسند اے۔
یسوع چنگا اے "مذہب" جے تسیں معافی چاہندے او (اعمال 10 باب 43 آیت)۔ یسوع چنگا اے "مذہب"جے تسیں خدا دے نال اک بامعنی سانگا رکھنا چاہوندے او (یوحنا 10 باب 10 آیت)۔ یسوع چنگا اے "مذہب" جے تسیں آسمان تے ابدی گھر چاہوندے او (یوحنا 3 باب 16 آیت)۔ یسوع مسیح تے ایمان رکھو کہ اوہ تہاڈا مکتی داتا اے۔ تہانوں کوئی پچھتاوا نہیں ہووے گا اپنے پاپاں دی معافی لئی اوہدے تے یقین کرو۔ تہانوں مایوسی نہیں ہووے گی۔
جے تسیں رب دے نال اک "چنگا سانگا" رکھنا چاہوندے او، ایتھے اک سادہ جہی دعا اے۔ یاد رکھو، ایس دعا نوں پڑھن یاں کسے ہور دعا نوں پڑھن نال تہانوں مکتی نہیں مل سکدی ۔ صرف مسیح تے ایمان لیاؤ اوہ تہانوں تہاڈے پاپاں توں مکتی دے سکدا اے۔ ایہہ دعا سادہ جہیا اک رستہ اے خدا دے نال تہاڈے ایمان دے اظہار دا تے اوہدا شکر کرو کہ اوہنے تہانوں مکتی دتی اے۔ "ربا! میں جانناں کہ میں تیرے خلاف پاپ کیتا اے تے میں سزا دا حقدار آں۔ پر جیہڑی سزا دا میں حقدار سی یسوع مسیح نے اوہ سزا اپنے اُتے لے لئی بس اوہدے تے ایمان نال میں معافی پا لئی اے۔ میں اپنے پاپاں توں دور رہواں گا تے اپنا ایمان تیرے تے رکھاں گا اپنی مکتی لئی۔ میں شکر کرناں تیرے اجہے فضل تے بخشش دا۔ جیہڑا ہمیش دی حیاتی دا تحفہ اے آمین"۔
جو کجھ تسیں ایتھے پڑھیا ہے اوہدے پاروں کیہ تسیں مسیح لئی کوئی فیصلہ کر لیا ہے؟ جے انج ہے، مہربانی کرکے ہیٹھاں "میں اج مسیح نوں قبول کیتا" دے بٹن تے کلک کرو۔
میرے لئی کیہڑا مذہب چنگا اے؟