سوال: کیہ یسوع ای آسمان تے جان دا رستہ اے؟

جواب: "میں اصل وچ اک چنگا بندہ آں، بس میں آسمان تے جاواں گا"۔ "ٹھیک اے، میں کجھ کم غلط وی کیتے نیں، پر میں چنگے کم بہتے کیتے نیں، ایس لئی میں اسمان تے جاواں گا"۔ "میں کلام پاک دے مطابق اپنی زندگی نہیں لنگھائی، ایس لئی رب مینوں دوزخ وچ نہیں گھلے گا۔ زمانہ بدل گیا اے "اصل وچ برے لوک ای دوزخ وچ جان گے جیویں بچیاں دے نال بھیڑے کم کرن والے تے خونی"۔

ایہہ سارے اکو جہیی سوچ رکھن والے لوک نیں، پر سچائی ایہہ اے کہ، اوہ سارے جھوٹے نیں۔ شیطان، جیہڑا جہان دا خدا اے، ایس قسم دے وچار ساڈے ذہناں وچ پاؤندا اے۔ اوہ، تے ہور کوئی وی جیہڑا اوہدی پیروی کردا اے، خدا دا ویری اے (1۔پطرس5 باب 8 آیت)۔ شیطان وی اپنے آپ نوں نُوری فرشتے ورگا بنا لیندا اے۔ (2۔کرنتھیوں 11 باب 14 آیت)، اوہ اوہناں ساریاں لوکاں تے اختیار رکھدا اے جیہناں دا سانگا رب دے نال نہیں۔ "یعنی اوہناں بے ایمان لئی جیہناں دیاں عقلاں نوں اس جہان دے رب نے انھیاں کر دتا اے تانجے مسیح جیہڑا رب دی صورت اے اوہدے جلال دی خوشخبری دی لو اوہناں تے نہ پوے۔ اوہ یسوع دے جلال دے سنیہے نوں سمجھ نہیں سکدے، جیہڑا کہ اصل وچ رب دی صورت اے" (2۔کرنتھیوں 4 باب 4 آیت)۔

اس گل تے یقین کرنا غلط ہووے گا کہ رب چھوٹے پاپاں دی پرواہ نہیں کردا، تے دوزخ صرف "پاپی لوکاں" لئی اے۔ ہر طرحاں دا پاپ سانوں رب توں دور کردا اے، "ایتھوں تیکر کہ چھوٹے توں چھوٹا پاپ وی"۔ ساریاں نے پاپ کیتا، تے کوئی اک وی ایہو جہیا نہیں جیہڑا اپنے کماں دے سببوں اسمان دی زندگی حاصل کر سکے (رومیوں 3 باب 23 آیت) ۔

اسمان دی بادشاہی وچ جان لئی ایہدی لوڑ نہیں کہ تہاڈیاں اچھائیاں دا وزن بہتا ہووے برائیاں توں، جے ایس طرحاں دی گل اے تے اسیںں اسمان دی حیاتی توں وانجھے رہ جاواں گے۔ "تے جے فضل توں عزت پاواں گے تے کماں توں نہیں فیر فضل فضل نہ رہیا۔ ایس لئی اس معاملے وچ، رب دا وڈ مُلا فضل فضل نہ رہیا جیہڑا کہ اوہ اصل وچ اے۔ مفت تے جیہدے اسیں حقدار وی نہیں سی" (رومیوں 11 باب 6 آیت)۔ اسیںں آپ اجہیا کجھ وی نہیں کر سکدے جیہدے نال اسیںں اسمان دی بادشاہی وچ جا سکیئے (ططس 3 باب 5 آیت)۔

"تسیں رب دی بادشاہی وچ اُکا تنگ بُوہے وچوں لنگھ سکدے او۔ دوزخ وچ جان دا رستہ صاف اے، تے اس دا در کھلا اے اوہناں لئی جیہناں نے ایس سوکھے راہ نوں چنیا اے" (متی 7 باب 13 آیت)۔ جے ہر کوئی پاپ وچ حیاتی گزار دا اے، تے رب تے یقین رکھن نوں چنگا نہیں جاندا، رب اوہنوں معاف نہیں کرے گا۔ "جیہناں وچ تسیں پہلے توں دنیا دی راہ تے چلدے سی تے ہوا دی عملداری دے حاکم یعنی اوس روح دی پیروی کردے سی جیہڑی اج نافرمان لوکاں وچ وسدی اے" (افسیوں 2 باب 2 آیت)۔

جدوں رب نے دنیا نوں بنایا، اوہ ہر پکھوں پُوری سی۔ ہر شے چنگی سی۔ فیر اوہنے آدم تے حوا نوں بنایا تے اوہناں نوں اوہناں دی آزاد مرضی دتی، فیر، اوہ چاہندے تے اپنی مرضی دے نال رب دی پیروی تے تابعداری کردے یاں نہ کردے۔ پر آدم تے حوا، پہلے انسان سی جیہناں نوں رب نے بنایا، تے شیطان نے اوہناں نوں رب دی نافرمانی کرن لئی کراہے پایا، تے اوہناں نے پاپ کیتا۔ ایس لئی اوہ رب توں دور ہو گئے (تے ہر کوئی جیہڑا اوہناں توں جمیا ، جیہناں وچ اسیں وی رلتی آں) جد کہ اوہ رب دے نال بہت نیڑلا سانگا رکھدے سن۔ اوہ کامل اے تے کدی وی پاپ نہیں کر سکدا۔ پس پاپی ہوندیاں اسیں اپنے آپ توں کجھ وی نہیں کر سکدے ایس لئی رب نے اک رستہ بنایا اے تانجے اسیں اسمان تے فیر اک ہو سکیے۔ "کیونجے رب نے دنیا دے نال اجہیی محبت رکھی کہ اوہنے اپنا اکلوتا پتر بخش دتا تانجے جیہڑا اوہدے تے ایمان رکھے مرے نہ سگوں ہمیش دی حیاتی پاوے" (یوحنا 3 باب 16 آیت)۔ "کیونجے پاپ دی کمائی موت اے، پر رب دی بخشش ساڈے رب مسیح یسوع وچ ہمیش دی حیاتی اے" (رومیوں 6 باب 23 آیت)۔ یسوع ایس لئی آیا کہ سانوں سچی راہ دی سکھیا دے سکے تے اوہ ساڈے پاپاں لئی مریا جو اسیں نہیں کر سکدے۔ اپنی موت دے تیجے دن اوہ قبر وچوں جی اُٹھیا (رومیوں 4 باب 25 آیت)،اوہنے موت تے اپنی کامیابی نوں ظاہر کیتا۔ اوہ رب تے انسان دے وچکار اک پُل بنیا ایس لئی سانوں چاہیدا اے اوہدے نال نیڑلا سانگا رکھیئے جے اسیں اوہدے تے یقین رکھنے آں۔

تے ہمیش دی حیاتی اے کہ اوہ تینوں ربیِ واحد نوں تے سچے نوں تے یسوع مسیح نوں جیہنوں تو اکلیاں جانن" (یوحنا 17 باب 3 آیت)۔ بہت سارے لوک رب تے یقین رکھدے نیں، پر شیطان تے وی یقین رکھدے نیں۔ پر مکتی پاؤن لئی سانوں رب ول ای مڑنا ہووے گا، اک نیڑلا سانگا بناؤنا ہووے گا، اپنے پاپاں توں توبہ کرنی پوے گی تے اوہدی پیروی کرنی پوے گی۔ سانوں یسوع تے ایمان رکھنا اے ہر شے دے نال جیہڑی ساڈے کول اے تے اوہ سب کجھ جو اسیں کردے آں۔ "اسیں رب دی نظر وچ چنگے بنائے گئے آں، جدوں یسوع مسیح تے ایمان رکھنے آں تے اوہ ساڈے پاپاں نوں چُک کے لے جاندا اے۔ تے اسیں سارے ایس طرحاں مکتی پا سکنے آں کوئی مسئلہ نہیں کہ اسیں کون آں تے اسیں کیہ کیتا اے" (رومیوں 3 باب 22 آیت)۔ کلام پاک سکھیا دیندا اے کہ مسیح دے سوا ہور کوئی مکتی دا رستہ نہیں۔ یسوع یوحنا 14 باب 6 آیت وچ دسدا اے، "راہ تے سچائی تے حیاتی میں آں۔ کوئی میرے وسیلے دے بنا باپ دے کول نہیں آ سکدا"۔

یسوع ای مکتی دا اک رستہ اے کیونجے اوہ اک ای جیہنے ساڈے پاپاں دا کفارہ دتا اے (رومیوں 6 باب 23 آیت)۔ کوئی ہور مذہب اینی ڈونگھی تے گمبھیرتا دے نال پاپ بارے تے اوہدے انجام بارے سکھیا نہیں دیندا۔ کوئی ہور مذہب ان گنت پاپ دی قربانی وی نہیں دیندا جیہڑی اُکا یسوع نے دتی اے۔ نہ ای کسے دوجے "مذہب دا بانی" رب توں انسان بنیا (یوحنا 1 باب 1 توں 14 آیت) اک ای طریقہ اے جیہدے نال ایہہ بے حد قرض ادا ہو سکدا سی۔ یسوع رب وی اے تے اوہ ایہہ قرض لاہ وی سکدا سی۔ یسوع انسان وی سی ایسی لئی اوہنے اپنی جان قربان کیتی۔ مکتی اُکا انج ای مل سکدی اے کہ یسوع مسیح تے ایمان لیاندا جائے "ہور کسے دوجے دے وسیلہ مکتی نہیں، کیونجے اسمان دے تھلے بندیاں نوں کوئی دوجا ناں نہیں دتا گیا جیہدے وسیلے دے نال سانوں مکتی مل سکے" (اعمال 4 باب 12 آیت)۔

جو کجھ تسیں ایتھے پڑھیا ہے اوہدے پاروں کیہ تسیں مسیح لئی کوئی فیصلہ کر لیا ہے؟ جے انج ہے، مہربانی کرکے ہیٹھاں "میں اج مسیح نوں قبول کیتا" دے بٹن تے کلک کرو۔

پنجابی دے مڈھلے صفحے تے جاؤ

کیہ یسوع ای آسمان تے جان دا رستہ اے؟