မိုး​ကောင်း​ကင်​နှင့်​ကမ္ဘာ​မြေ​ကြီး​ပေါ်​ရှိ​အ​ဖန် ဆင်း​ခံ​ဟူ​သ​မျှ​အား ခ​ရစ်​တော်​၏​ဦး​စီး ခေါင်း​ဆောင်​မှု​အောက်​တွင်​ရောက်​ရှိ​စေ​ရန် ဘု​ရား သ​ခင်​၏​အ​ကြံ​အ​စည်​တော်​ရှိ​ကြောင်း​ဧ​ဖက် သြ​ဝါ​ဒ​စာ​တွင် ရှေး​ဦး​စွာ​ဖော်​ပြ​ပါ​ရှိ​ပေ သည်(၁:၁၀) မ​နု​ဿ​လူ​သား​တို့​သည်​သ​ခင် ယေ​ရှု​နှင့်​တစ်​လုံး​တစ်​ဝ​တည်း​ရှိ​ခြင်း​အား ဖြင့် စည်း​လုံး​ညီ​ညွတ်​ရေး​တည်း​ဟူ​သော​ကြီး မြတ်​လှ​သည့်​အ​ကြံ​အ​စည်​တော်​နှင့်​အ​ညီ ဘု​ရား​သ​ခင်​၏​လူ​စု​တော်​က​ပြု​မူ​ကျင့် ကြံ​ကြ​ရန်​သြ​ဝါ​ဒ​ပါ​ရှိ​သည်။

ကျမ်း​ပြု​သူ​သည်​ဧ​ဖက်​သြ​ဝါ​ဒ​စာ​ပ​ထ​မ ပိုင်း​တွင် အ​ဖ​ဘု​ရား​သ​ခင်​က​မိ​မိ​၏​လူ​စု တော်​အား​အ​ဘယ်​သို့​ရွေး​ကောက်​တော်​မူ​သည် ကို​လည်း​ကောင်း၊ သား​တော်​သ​ခင်​ယေ​ရှု​အား ဖြင့်​သူ​တို့​၏​အ​ပြစ်​များ​ကို​အ​ဘယ်​သို့ ဖြေ​လွှတ်​တော်​မူ​သည်​ကို​လည်း​ကောင်း၊ ဘု​ရား သ​ခင်​၏​က​တိ​တော်​အ​တိုင်း​အ​ကောင် အ​ထည်​ပေါ်​လာ​မည်​ဟု သန့်​ရှင်း​သော​ဝိ​ညာဉ် တော်​က​အ​ဘယ်​သို့​အာ​မ​ခံ​တော်​မူ​သည် ကို​လည်း​ကောင်း​တင်​ပြ​ကာ စည်း​လုံး​ညီ ညွတ်​မှု​အ​ကြောင်း​ကို​အ​ကျယ်​တ​ဝင့် တင်​ပြ​လေ​သည်။ ဒု​တိ​ယ​ပိုင်း​တွင်​ကျမ်း ဖတ်​သူ​တို့​သည်​ခ​ရစ်​တော်​နှင့်​တစ်​လုံး တစ်​ဝ​တည်း​ရှိ​ခြင်း​အ​ဖြစ်​ကို အ​မှန် တ​ကယ်​လက်​တွေ့​အား​ဖြင့်​ပြ​သ​ကြ ရန်​သြ​ဝါ​ဒ​ပေး​သည်။

ခ​ရစ်​တော်​နှင့်​တစ်​လုံး​တစ်​ဝ​တည်း​ရှိ​ခြင်း အား​ဖြင့် ဘု​ရား​သ​ခင်​၏​လူ​စု​တော်​ဝင်​တို့ အ​ချင်း​ချင်း​စည်း​လုံး​ညီ​ညွတ်​မှု​ရ​ရှိ​ကြ ပုံ​ကို ဥ​ပ​မာ​စ​ကား​များ​အား​ဖြင့်​ဖော်​ပြ ထား​လေ​သည်။ ယင်း​ဥ​ပ​မာ​စ​ကား​များ မှာ​အ​သင်း​တော်​သည်​ခန္ဓာ​ကိုယ်​နှင့်​တူ​၍ ခ​ရစ်​တော်​သည်​အ​ဆောက်​အ​အုံ​၏​ထောင့် ချုပ်​ကျောက်​ဖြစ်​ခြင်း၊ အ​သင်း​တော်​သည် ခင်​ပွန်း​ရှိ​သည့်​အ​မျိုး​သ​မီး​နှင့်​တူ​၍ ခ​ရစ်​တော်​သည်​ခင်​ပွန်း​ဖြစ်​ခြင်း​စ​သည် တို့​ဖြစ်​သည်။ ကျမ်း​ပြု​သူ​သည်​ခ​ရစ်​တော် အား​ဖြင့်​ရ​ရှိ​အပ်​သော ဘု​ရား​သ​ခင်​၏ ကျေး​ဇူး​တော်​နက်​ရှိုင်း​အံ့​သြ​ဖွယ်​ကောင်း​ပုံ ကို​စိတ်​အား​တက်​ကြွ​စွာ​ဖြင့်​ရေး​သား ရ​ကား သူ​၏​က​လောင်​မှာ​လွန်​စွာ​ထူး​ကဲ ထက်​မြက်​လှ​ပေ​သည်။ ခ​ရစ်​တော်​၏​မေတ္တာ တော်၊ အ​သက်​တော်​ကို​တင်​လှူ​ပူ​ဇော်​တော် မူ​ခြင်း၊ အ​ပြစ်​ဖြေ​လွှတ်​တော်​မူ​ခြင်း၊ ကျေး​ဇူး​တော်၊ ဖြူ​စင်​သန့်​ရှင်း​တော်​မူ​ခြင်း စ​သည်​တို့​ကို​နောက်​ခံ​ထား​၍ ကျမ်း​ပြု​စု သူ​သည်​ရေး​သား​တင်​ပြ​ပေ​သည်။